屯門區

出自維基百科,自由嘅百科全書
跳去: 定向搵嘢

屯門區香港十八個政區之一,位於新界西,西面係伶仃洋,係香港人口最多嘅住宅區之一,曾經俾人叫做青山區,1970年代改名。南面嘅青山灣同時填海,連同附近發展成新市鎮。人口有502,035人,面積84.33平方公里,每平方公里有6000人住。啲人主要住喺屯門新市鎮黃金海岸同青山灣沿海一帶就係高尚住宅

歷史[編輯]

早喺新石器時代屯門已經有人住。漢代屯門已經有同製鹽有關嘅商貿活動。

南北朝,有人話杯渡襌師坐杯來到青山修行創杯渡寺(而家係青山襌院)。家下以杯渡改名有杯渡路同輕鐵杯渡站

清朝有屯門寨、墩台。後來改屬新安縣。1866年(清同治七年)嘅新安縣全圖,屯門係叫做田門青山就叫清山。而一張1868年嘅英國政府新安地圖上,屯門係叫團門,包括黃家圍、青甎圍同清山(而家分別叫皇家圍、青磚圍同埋青山)

1898年,屯門隨新界交畀英國統治。1900年,革命黨人喺紅樓進行規劃反清活動,國父孫中山都曾經住過呢度。

1950年代,聯合國中國實施禁運,好多人借住香港地利而偷運物資往內地。呢個地方成為走私理想地點,連海盜都來到捉人。

1965年,政府開始計劃喺屯門發展新市鎮,將屯門由元朗區嘅範圍劃出來。

1970年代政府落實屯門新市鎮嘅發展,並進行大幅度移山填海。

1995年,嶺南大學嘅校園由香港島司徒拔道搬去屯門虎地

名勝[編輯]

交通[編輯]

睇埋[編輯]