山口百惠

出自維基百科,自由嘅百科全書
跳去: 定向搵嘢

山口百惠(やまぐち ももえ,嫁咗之後跟老公姓而家個名叫三浦百惠1959年1月17號—)係日本有名嘅女演員歌手。佢1972年參加第五屆「明星誕生」歌唱比賽拿咗第二名,第二年出道。

1973年開始拍戲同出唱片,到1980年10月5號佢響日本武道館舞臺宣佈引退,呢段唔到十年嘅時間入邊,佢喺拍戲同唱歌兩方面都有好大嘅影響,比較代表性嘅電影有赤的疑惑(電影)(又叫血疑);喺歌曲方面,佢有好多首被香港嘅歌手填咗中文詞翻唱嘅,比如話,梅艷芳翻唱嘅曼珠莎華(原曲曼珠莎華)、赤的疑惑(歌)(原曲ありがとうあなた)、孤身走我路(原曲This is my trial)、冰山大火(原曲ロックンロールキウィドウ),重有張國榮翻唱嘅風繼續吹(原曲さよならの向こう侧)都好紅。

引退之後,山口百惠喺1980年11月19號同演員三浦友和登記結咗婚,證婚人宇津井健,之後生咗兩個仔,大仔三浦祐太朗同二仔三浦貴大。而家大仔以ユウ為藝名喺樂隊Peaky SALT入邊擔任結他手主唱嘅職位,而二仔係演員。