石頭
石頭（粵拼：sek6 tau4）、石、或者岩石係一隻或幾隻礦物黐黐埋埋，結合成嘅一嚿嚿固體，天然嘅石可以大體分成三種：火成岩、沉積岩、變質岩。地球嘅最外層（地殼）就係石頭嚟。
分類[編輯]
喺地質學上，石頭跟佢哋含礦物質、化學成分、花紋粗幼、紋理走向、形成過程嚟分類。可以分成火山岩、沉積岩同變質岩。而跟嚿石裏面粒粒嘅大細（grain size）嚟細分，火山岩細分做苦欖岩、玄武岩、安山岩、花崗岩、粗面岩、響岩、脈岩。沉積岩分做頁岩、砂岩、石灰岩、生物岩、化學岩。而由一隻岩石類型變到另一隻嘅叫做岩石週期。
火山岩係由岩槳凍咗之後形成嘅、沉積岩就係啲石頭、沙、泥俾水或冰川移郁、沉底、積積埋埋形成嘅，有時啲沙石撈埋其他嘢；好似生物嘅屍體都會留低痕跡、甚至成棚骨變成石頭，呢啲就係化石。變質岩就係因為地質活動，啲石頭受到大壓力、高溫度令佢喺物理化學上變咗質而形成嘅。
石頭同文明[編輯]
石頭對人類文化同科技有好大影響。早喺二佰萬年前，智人（homo sapiens）同原始人類已經識得攞啲石頭用嚟做架生、武器。直到今時今日，人繼續用石頭嚟整嘢，採礦就係將啲含金屬嘅沙石掘出嚟，提煉金屬出嚟。一笪地方有幾先進就是乎附近有冇同有啲乜石頭可以攞嚟用喇。
文明史將史前分做石器時代，青銅器時代同鐵器時代。火石用嚟點火同造斧頭。雖然喺地球上石器時代嘅文明已經冇晒，石頭繼續用喺起屋同基礎設施。重係而家好多好重要嘅物料，麻石係加工過嘅玄武岩，有磁石同鐵就係由種沉積岩提煉出嚟，喺一啲沉積岩嘅窿窿罅罅就有天燃氣同石油。而玉石（翡翠）喺高溫低壓下形成嘅變質岩處搵倒。重有鑽石同雲石都係。而起樓用得最多嘅石屎，原材料都係石頭度嚟。
人造石[編輯]
而家人類可以造「石頭」出嚟。呢啲石都係裝修物料，現時叫人造石可以係亞加力高分子同氧化鋁合成廚房檯面（Corian 或者 Staron）或者係石粉或碎石加樹脂嘅石板[1]。