崇禮門

俗稱南大門嘅崇禮門

2008年2月燒咗之後嘅崇禮門

崇禮門係南韓首都首爾市中心一座城門，由李氏朝鮮開國君主喺1398年開始起出嚟，又喺1962年12月20號列做韓國第一號國寶。崇禮門又叫做南大門，附近有南大門市場，係首爾市保存木質建築之中歷史最悠久嘅一座。又係首爾8座城門入面最重要嘅正門，喺全國城門之中規模最大，可以話係南韓嘅地標。

2008年2月10號夜晚8點50分左右，崇禮門樓閣發生大火，燒到凌晨1點54分，成個木製框架連同脊樑瓦片全部冧晒，得返下半部用石砌嘅樓基無事，起火原因係有一個70歲姓蔡嘅亞伯因為唔滿意土地開發賠償而放火。