巴拉圭凱門鱷

出自維基百科,自由嘅百科全書
How to read a taxoboxWikipedia:點樣睇生物分類框
How to read a taxobox
巴拉圭凱門鱷

瀕危指標
物種分類
動物界
脊索動物門
爬蟲綱
鱷目
Alligatoridae
Caiman
C. yacare
二元學名
Caiman yacare
Daudin, 1802
綠色係分佈地方
綠色係分佈地方

巴拉圭凱門鱷(學名Caiman yacare,曾經用過學名Caiman crocodilus yacara)係一種屬於短吻鱷科嘅中型鱷魚。一直以嚟巴拉圭凱門鱷都俾人當係眼鏡凱門鱷嘅亞種,但係而家已被承認係一個獨立嘅品種。主要棲息喺中美洲同南美洲,身長2至3米,以食魚為生。

外形[編輯]

巴拉圭凱門鱷嘅背脊呈深橄欖色,個肚顏色淺,呈黃綠色至白色。眼睛上方有非常明顯嘅突出骨狀物。一般巴拉圭凱門鱷可以有兩米長,重60公斤。文獻中記錄到最長嘅一條長2.7米。

習性[編輯]

巴拉圭凱門鱷主要生活喺淡水度,好少離開水,而且亦只會喺乾旱嘅狀況下先會離開水,將自己收埋喺泥漿裏面。日頭會浮喺水面上,夜晚先活動。成年嘅巴拉圭凱門鱷食魚同其他爬蟲類、兩棲動物同水鳥。鱷公有劃地盤同等級分別。巴拉圭凱門鱷可以有六十歲命,據講有啲甚至去都一百歲。冬季有時巴拉圭凱門鱷會長達兩個月唔食嘢,但係假如食嘢嘅話會狼吞虎嚥。

數量[編輯]

過去巴拉圭凱門鱷因為佢塊皮而被捕殺,近年嚟由於水利系統嘅建設同發展令佢哋嘅數量反而有所增加,因此今日巴拉圭凱門鱷係一種比較常見嘅爬行動物。

分佈[編輯]

巴拉圭凱門鱷喺南美洲分佈較廣,喺阿根廷、玻利維亞、巴西同埋巴拉圭都有觀察。佢哋尤其鍾意生活喺水流緩慢、河底淤泥、植物生長多嘅熱帶同埋亞熱帶河流,但佢哋亦生活喺湖泊、池塘同沼澤裏面。佢哋亦曾經喺鹹水裏面俾人觀察到。

繁殖[編輯]

阿根廷嘅巴拉圭凱門鱷雌鱷達到120至150厘米時、雄鱷達到約160厘米時達到性成熟。雌鱷產14至40個卵,然後將呢啲卵埋喺一個由腐敗嘅植物同埋泥組成嘅丘裏面,呢啲丘唔係喺岸邊就是喺浮起嘅植物上。有時多個雌鱷分享同一個丘一齊抵禦敵人。孵化期平均為85至90日。喺孵化出來之間冇幾耐雌鱷會扒開丘,幫幼鱷破卵。幼鱷黃色至棕色,有深色橫條。孵出後幼鱷依然留喺阿媽身邊,雖然係噉好多幼鱷會成為蛇同美洲蜥蜴嘅美食。幼鱷食昆蟲、軟體動物同甲殼動物,此外佢哋亦鍾意食魚毛。約五年後成熟。