巴菲特

巴菲特（Warren Edward Buffett，1930年8月30號—）係個美國投資家、企業家、同慈善家，俾人尊稱做股神。佢靠投資致富，佢係 Berkshire Hathaway 最大股東兼揸弗人。據估計，巴菲特而家身家約520億美元。

2006年6月，巴菲特應承將資產捐畀慈善機構，其中85%交畀蓋茲夫婦基金。巴菲特呢筆慈善捐贈，創咗美國有史以來嘅紀錄。

2008年，巴菲特攞返失落14年嘅福布斯百大富豪第一寶座，而佢老友比爾蓋茲就由第一跌落第三。第二位係墨西哥富豪卡洛斯史林埃盧。

巴菲特亦係萬中無一，靠投資致富嘅奇才。佢嘅投資哲學深深影響住每個投資者。