布吉大佛
出自維基百科，自由嘅百科全書
布吉大佛（泰文：พระพุทธมิ่งมงคลเอกนาคคีรี，英文嘅正式譯名：Puttamingmongkol Akenakkiri）係一座啱啱起好嘅佛像，響泰國布吉島西南部嘅山岡頂，呢度原本係橡膠種植園。根據家下已有嘅資料，可以相信大佛係尊坐佛像，佢唔係觀音像，面向東邊攀牙灣，背向安達曼海。高45米，矮過美國自由女神像1米，下底蓮座嘅直徑25米。地皮連同造價估計為三千萬泰銖（冇計到整場地同埋修路），由泰國南部各寺院嘅香客捐款捐咗成兩千萬銖，布吉政府埋單一千萬銖左右[需要參考資料]。
目錄 |
[編輯] 點樣嚟
布吉政府計劃咗從鎮龍灣整條路上嚟，從芭東嘅遊客可能要坐大巴翻過五、六百米高嘅卡杜山（嗰度一早有咗一尊遠近馳名嘅佛像），過山後往鎮龍、寶拉恭（遊艇碼頭）方向去搵嗰條路。
[編輯] 邊處望到
喺鎮龍灣、拉唯灣、卡塔、小卡塔海灘都直呈望到唔成問題，芭東海灘因隔住山望唔到，大概要上七十幾米高嘅芭東塔，喺卡崙海灘亦望唔到，去四十米高嘅美桃山莊酒店（Peach Hill Hotel-本身就響桃山頂）頂樓可能有希望。
[編輯] 睇吓
[編輯] 參考文
