座頭鯨

出自維基百科,自由嘅百科全書
How to read a taxoboxWikipedia:點樣睇生物分類框
How to read a taxobox
座頭鯨

同人嘅對比
同人嘅對比
瀕危指標
物種分類
動物界 Animalia
脊索動物門 Chordata
哺乳綱 Mammalia
鯨目 Cetacea
亞目 (Subordo): 鬚鯨亞目 Mysticeti
鬚鯨科 Balaenopteridae
座頭鯨屬 Megaptera
Gray, 1846
座頭鯨 M. novaeangliae
二元學名
Megaptera novaeangliae
Borowski, 1781
座頭鯨分佈
座頭鯨分佈

座頭鯨(學名Megaptera novaeangliae;英humpback whale),又叫大翅鯨(台灣名)、駝背鯨巨臂鯨,屬鬚鯨亞目嘅哺乳動物。喺日文,「座頭」嘅意思係指樂器「琵琶」,用嚟指鯨背嘅形狀好似琵琶咁樣。呢隻鯨魚算係好大,成熟嘅鯨魚身長有 12 至 17 ,目前最大記錄嘅雌性係 18 米。體重 36,000 kg。座頭鯨唔單止擁有所有鯨魚之中最長嘅前鰭,亦係遷徙路線最長嘅鯨魚(旅程可長達2.5萬公里)。加上獨特嘅跳出水面動作,成為賞鯨人士嘅最愛品種之一。全世界各大海洋都有座頭鯨嘅蹤跡,按地區分為多個族群,包括北太平洋、南半球同埋北大西洋品種。已列入《瀕危野生動植物種國際貿易公約》附錄。

生理描述[編輯]

座頭鯨-澳洲昆士蘭

座頭鯨可以由佢哋擁有明顯駝峰嘅厚實身軀,以及黝黑嘅上半部而輕易辨認。頭部同下顎佈滿稱為節瘤嘅小瘤,依啲小瘤其實係毛囊,亦係座頭鯨嘅特色。尾部尾鰭具有斑紋同埋波浪狀聳起邊緣,好似人類嘅指紋咁樣,喺潛水過程中會往上舉起。

佢哋部分棲息於太平洋一帶,總數只剩下約4000條,亦有分布於中國黄海東海南海(早期仲包括大亞灣在內)。活動時多數係一雙一對活動,有洄游習性,惟游泳速度較慢。主要食物為小型甲殼類同群游性小型魚類。座頭鯨乸每2年生一次仔,懷孕期大約10個月,每次生1胎。座頭鯨可以有成40-50年命。

雄性嘅鯨魚會發出好多種複雜聲音,聽落好似「唱歌」咁,一向都引起動物學家嘅關注。

黑白相間嘅長尾翅,可達身長三分之一。胸翅具有獨特圖樣,亦可用以辨識個別鯨魚,辨別方式同凍土天鵝嘅鳥喙標記好相似。關於座頭鯨會演化出鯨科動物比例上最長嘅胸翅,目前有好多種講法。兩種最流行嘅假設為:長翅帶嚟嘅高度機動性具有可觀進化利益,或者,較大嘅表面積有助於喺寒帶同溫帶遷徙時嘅體溫調節。

群體結構[編輯]

浮潛緊嘅鯨魚

一般座頭鯨群體結構都較為鬆散,一般都係單獨生活,或者幾隻一齊生活嘅都有。群體生活通常喺夏天持續得較耐,咁係為咗方便互相合作搵食。

當座頭鯨公揾配偶嗰陣,通常會同其他公一齊包圍住一隻乸,通常都係競爭多過合作。競爭會持續幾個鐘,過程中爭輸咗嘅都會自動游走,剩番嗰個就會同隻乸交配。

科學家一直認為鯨語喺座頭鯨之間有重要嘅用途,但未敢肯定。

飼育[編輯]

一對座頭鯨喺度食嘢。

座頭鯨只喺夏天捕食,喺冬天佢哋就會依靠體內儲存嘅脂肪過活。座頭鯨係一種非常積極嘅捕獵者,佢哋嘅捕食對象包括磷蝦、小群嘅、鯡魚、胡瓜魚玉筋魚。捕食方法包括直接攻擊或者通過用鰭拍打海水嚟將獵物擊暈。

其中最獨特嘅獵食技巧稱為「水泡網捕獵法」。一群鯨魚喺群魚嘅下面圍成一個大圈好快游動,再利用佢哋嘅噴水孔向上噴氣形成水泡網從而令群魚逼得更加密集。之後佢哋會突然擘大口向上「飇」,一啖就吞得落數以千計嘅群魚。利用呢種捕獵法嘅鯨魚多達十二條,而水泡網嘅直徑可長達30米(100英尺)。呢個或者可被稱為最奇特嘅海洋哺乳動物捕獵方式。

通常殺人鯨會視座頭鯨仔為獵食對象,但呢種威脅對於成年嘅座頭鯨嚟講係相當輕微,頂多都係造成表皮上嘅傷痕。

鯨語[編輯]

座頭鯨嘅「樂譜」
座頭鯨嘅「樂譜」


座頭鯨唔單止有類似特技飛行嘅跳出水面動作,佢哋又長又複雜嘅叫聲亦都好出名。喺佢哋嘅低吟叫聲中,振幅同頻率重複嘅模式會喺幾個鐘甚至幾日都保持一致。由於座頭鯨只會喺交配季節呼叫,因此啲人認為佢哋嘅叫聲係用來求愛。另一個有趣嘅事實係,每條鯨魚所獨有嘅叫聲會喺幾年時間中持續進化,甚至過咗十幾年都唔會重複。

數量同埋分佈[編輯]

座頭鯨喺所有主要海洋都有發現,佢哋分佈喺從南極冰緣到北緯65度嘅廣闊海面。呢個係一個有遷移特點嘅物種,佢哋夏天生活喺涼爽嘅高緯度水域,但係喺熱帶亞熱帶水域交配繁衍。座頭鯨通常每年遷徙路程長達25,000公里(16,000英里),令佢哋成為哺乳動物中最好旅行者之一。但係生活喺阿拉伯海嘅座頭鯨例外,佢哋長年都生活喺嗰啲熱帶海域。座頭鯨喺東地中海波羅的海北極海域未被發現。

二十世紀座頭鯨嘅種群數量持續增長,從1966年嘅僅僅2萬條,躍升至今日嘅35,000條。保守估計有11,600條座頭鯨生活喺大西洋、7,000條喺太平洋同大約17,000條喺南半球

喺1950至60年代,香港鄰近嘅大亞灣曾經有座頭鯨出沒,但係俾啲日本捕鯨船濫捕,卒之絕種。2009年3月,有一條過10米長嘅座頭鯨誤闖南丫島一帶海域,係首次喺香港水域嘅首次發現座頭鯨。[2]

[編輯]

  1. Cetacean Specialist Group (1996). Megaptera novaeangliae. 2006 IUCN Red List of Threatened Species. IUCN 2006. Retrieved on 11 May 2006. Database entry includes a lengthy justification of why this species is vulnerable
  2. [座頭鯨首訪港 游弋南丫 長逾10米料成年 專家籲勿出海觀鯨滋擾],明報2009年3月18號

資料來源[編輯]

睇埋[編輯]

[編輯]