康王路 (廣州)

出自維基百科,自由嘅百科全書
  呢篇文講廣州市入面嘅康王路。想搵其它城市入面嘅康王路嘅話,請睇康王路
康 王 路
KANGWANG LU
性質: 主幹道
全長: 2.8公里
行車線: 雙向8車道
地區: 廣州市荔灣區
起點: 鎮安路同埋杉木欄路嘅交界
終點: 東風西路
主要建築: 西關大廈
華林國際珠寶商城
華林寺
康王商業城
上下九步行街
文化公園
新光城市廣場
陳家祠
錦綸會館

康王路粵拼hong1 wong4 lou6)係中國廣東省廣州市入面嘅其中一條主幹道,喺荔灣區入面。成條馬路南北走向,南邊從鎮安路同埋杉木欄路嘅交界開始,一直向北去到東風西路嗰頭。呢條路響2000年10月起,一直到2002年4月先至鋪好,到咗2002年5月1號,馬路通車。

概要[編輯]

全長2.8公里,闊40米,雙向8車道。佢分開咗南、中、北三條嘅。

康王路嘅三條道路,起點到終點[編輯]

[編輯]

其實康王路嘅大部分路段都係以前廣州嘅一大笪民宅同埋舊街舊巷嘅地區,到咗1996年8月份,呢條馬路就被廣州市政府為咗要解決點解荔灣區入面冇南北走向嘅主幹道嘅問題,所以就即刻成立專項嚟起呢條馬路。佢嘅建設工程就係先整闊條鎮安路同埋帶河路,跟住就拆咗康王直街、康王上街同埋康王下街呢三條街啲屋,結果工程就分開咗一期同埋二期。而一期工程入面就係先整從中山七路一直去到長壽西路為止嘅呢部份,而一期工程就喺2000年10月到12月就整喇。而二期工程入面就係跟住落嚟整從中山七路一直去到東風西路為止同埋從杉木欄路一直去到長壽西路為止嘅呢兩個部份,而二期工程就喺2001年7月到2002年4月就整喇。到咗2002年4月,成條路先至起好嗮,2002年5月就全線通車。

[編輯]

關於呢條路嘅改名,佢本嚟計劃就究竟係改「世紀路」、「嶺南路」、定係「康王路」三條路嘅事但其中一隻名嘅。而改隻名入面,呢三隻名係有佢嘅意思嘅:[1]

  • 「康王路」:因為馬路附近有間康王廟響度,重有拆咗嘅三條街就係帶有「康王街」呢三隻字嘅名。重有嘅係,康王廟係嚟紀念北宋嘅愛國將領——康保裔
  • 「世紀路」:因為馬路入面有間喺2000年嗰陣起咗無耐嘅世紀廣場,就響呢條路嘅附近。
  • 「嶺南路」:因為呢度係嶺南地區嘅一條長嘅馬路,代表嘅係嶺南人民嘅精神。

後嚟呢三隻名一直都喺度拗緊,本嚟規劃話改名叫「世紀路」嘅,但係喺2000年10月24號,呢條馬路就話要改名,因為「世紀路」呢隻名冇乜人知,更加唔知「世紀廣場」係乜嘢(因為世紀廣場係2000年先至起好嘅一棟新嘅廣場),重有「世紀路」呢隻名太過有商業味道嘅感覺。如估改名嗌「世紀路」嘅話會出現好多問題(因為完全冇任何歷史同埋根據)。[1]而「嶺南路」呢隻名喺嗰陣時嘅廣州市副市長安出嚟嘅名,不過冇整入去改名嘅案入面。最後喺廣州市地名辦重新去調查咗同埋綜合考慮各方面嘅意見之後,重根據咗「尊重當地嘅群眾意願,重反映當地嘅歷史同埋文化經濟,同埋市政道路入面唔可以用公司同埋大廈嘅名」嘅馬路改名規則,最後正式改咗名嗌「康王路」[2]

帶河路嘅擴闊[編輯]

内文:帶河路

喺未到21世紀之前,係有條「帶河路」呢隻名嘅馬路。呢條馬路係好屄死彎曲到鬼噉嘅,重有嗰陣時嘅帶河路闊度凈係得唔夠3米咁窄。後嚟廣州嘅城市發展,話要起康王路,結果呢條馬路有90%嘅路段都劃咗入去康王路入面喇,重將成條路抝直咗添[1]。不過到咗2013年2月27號,帶河路都被人拆埋,依家凈係得返以前帶河路西邊嘅部份幾間舖頭響度[3]

錦綸會館嘅搬走[編輯]

内文:錦綸會館

喺起緊康王路嗰陣,結果咁啱得咁橋就經過咗華林寺嘅錦綸會館。而錦綸會館就係成個廣州市入面,唯一一間近代史入面出現過嘅專業會館。廣州市政府為咗要保護呢間嘢就出銀紙嚟移咗去條路嘅西南邊冇幾遠嗰尐。而呢間會館喺2005年1月18號重新對外開放[4]

經過嘅道路[編輯]

呢度啲路順序係從南去到北嚟排嘅,其中加粗咗嘅字係主幹道:

將來嘅發展[編輯]

依家喺度起緊康王路隧道,呢條隧道喺地底穿過東風西路流花湖公園流花路站前路同埋環市西路一直去到廣園西路為止。而呢條隧道通咗車之後將會同人民路高架橋嘅嗰啲車分流喇[5]

事件[編輯]

地鐵8號線二期嘅工程[編輯]

康王南路地陷[編輯]

喺2013年1月28號嘅晏晝,康王南路同埋杉木欄路嘅交界度就因為6號綫同埋8號綫嘅轉車車站——文化公園站嘅施工,由於工地進行爆破嗰陣炸得唔好,搞出咗個大坑。有榕樹同埋檔口都全部被個坑食咗。事件冇造成人員傷亡。喺出咗事之後,廣州市政府當場就用咗混凝土嚟填返個大坑就算數,結果無耐又發生咗第二次嘅地陷[6]。就因為呢件事啫,喺康王南路同埋周邊嘅道路搞到大塞車,康王南路都封埋,有19條巴士嘅線路都改嗮去第度行[7]

丼咗好多錢,開咗4年嘅陳家祠廣場又話拆。[編輯]

喺2014年10月15號,廣州地鐵公司話因為要喺嗰頭起8號綫嘅北延段,佢將喺2009年起好咗無耐嘅陳家祠廣場就拆咗一半,結果俾好多街坊喺度猛咁鬧,話市政府浪費錢噉。後嚟地鐵公司話因為喺2009年起緊陳家祠廣場嗰陣,嗰時8號綫嘅北延段凈係去到而家嘅文化公園站而未向北繼續延長落去。而所謂嘅8號綫北延段嘅工程喺2012年嗰陣先至俾國家發改委話通過咗,而荔灣區政府因為冇考慮到呢方面嘅嘢,先至話拆呢個廣場嘅[8]

康王路地下隧道工程[編輯]

康王路地下隧道工程早就喺2002年開始搞規劃,本嚟原計劃喺2009年開通,但工程進度一直緩慢,凈係搞掂咗喺流花湖嗰橛[9]。直到2014年3月4號先至重新啟動項目,甚至喺2014年8月15號開工[10]。喺同年11月23號開始圍蔽之後影響到康王北路嘅街坊出行[11],而家呢條隧道重喺度起緊。

[編輯]

  1. 1.0 1.1 1.2 长寿路,康王路名字由来的故事
  2. 名PK戰:遵從命名7原則 康王路勝世紀路. 資訊時報. 2006-02-13. 喺2012-04-01搵到.
  3. 后几十米将要拆迁 百年带河路从此成记忆. 大洋网. 2013-02-27. 原著喺2014-07-28歸檔. 喺2014-04-21搵到.
  4. 綸會館 滿載記憶,緩緩前行. 南方都市報. 2008-10-13. 喺2013-1-29搵到. {{cite news}}: Check date values in: |accessdate= (help)CS1 maint: url-status (link)
  5. 花湖隧道近日复工 康王路将直通环市路. 羊城晚报. 2011-02-17. 原著喺2016-03-04歸檔. 喺2012-04-01搵到.
  6. . 信息時報. 2013-01-29. 原著喺2014-01-03歸檔. 喺2014-04-21搵到.
  7. 地陷事故影响 19条公交线改道不走康王路. 大洋网. 2013-01-29. 原著喺2014-04-09歸檔. 喺2014-04-21搵到.
  8. 8亿改造陈家祠广场 建好4年又要拆一半. 南方都市報. 2014年10月16號 AA12版. {{cite news}}: Check date values in: |date= (help)CS1 maint: url-status (link)
  9. 广州第一断头路康王路隧道复活 互聯網檔案館歸檔,歸檔日期2016年3月4號,. 南都网 (2014-03-04)
  10. 康王路下穿流花湖隧道三标段8月中旬动工 中国广州政府
  11. 康王北路、东风西路围蔽施工 新浪广东(转南方都市报) 【2014-11-27】