廣州「城市原點」標誌

出自維基百科,自由嘅百科全書

座標: 23°7′44.26″N 113°15′30.31″E / 23.1289611°N 113.2584194°E / 23.1289611; 113.2584194

廣州「城市原點」標誌嘅地面標記

 廣州「城市原點」標誌粵拼gwong2 zau1 sing4 si5 jyun4 dim2 biu1 zi3中國廣東省廣州市嘅一個標記性建築,喺越秀區人民公園南門嘅動漫星城門口(公園前站I出入口同F出入口之間)附近之間嘅位嗰度。呢度之所以出名,係因為喺2004年之前重未開發珠江新城海珠區廣州大道南東邊附近嗰時,攞過「廣州城市中軸線」嘅稱號。呢度重係證明廣州市嘅一個傳統文化嘅地區。

[編輯]

其實呢嚿嘢喺2005年3月份由廣州市城市規劃勘測設計研究院開始負責搞設計方案,跟住到咗2010年初,越秀區人民政府廣衛街辦事處嚟負責出咗差唔多350萬蚊嚟喐手起呢嚿嘢,而工程喺2010年8月份先至搞掂,到咗2010年10月21號就正式開咗畀人睇。

主要證明對象[編輯]

佢唔單止主要證明廣州市嘅文化、行政同商業、區域交通嘅聚集位,重可以將原點當成個城市座標原點、主要建築、名勝古跡等,用座標嚟記低佢喺邊度同離佢有幾遠,重有佢所在嘅地理海拔高低。

風格同曬士[編輯]

一個圓餅環形,直徑3米,表面稍微凸咗大概15cm,而出面嗰個圓係用咗黑金剛砂嘅花崗岩嚟整,入面嘅園喺用咗精銅嚟整,有2cm咁厚,重量可以去到3t。佢嘅設計相係用咗西漢南越王墓入面出咗土嘅「龍鳳紋重環玉珮」同埋喺銅尊嗰度嘅「羽人駕尊」浮雕出嚟,而呢個浮雕嘅相係啱好有明顯嘅嶺南民族文化特徵。喺標誌嗰度重劃咗廣州城市原點嘅地理座標、高度、舉例同埋幾時起好嘅嘢。而原點嘅標誌重整咗可以俾乜人踩嘅嘢。

喺原點標誌嘅東邊重整咗嚿廣州古城十八門嘅沙盤雕塑響度,佢以1:1500嘅比例嚟還原咗清朝嗰時,廣州城嘅樣出嚟。

[編輯]