廣州火車站恐怖襲擊

出自維基百科,自由嘅百科全書
廣州火車站恐怖襲擊
係一個terrorist attack 喺Wikidata改呢個
發生喺中華人民共和國 喺Wikidata改呢個
日期2014年5月6號 喺Wikidata改呢個
廣州火車站恐怖襲擊嘅位置

 廣州火車站恐怖襲擊粵拼gwong2 zau1 fo2 ce1 zaam6 hung2 bou3 zaap6 gik1 係2014年5月6號11點半鐘度,喺中國廣東廣州廣州站嘅接人出口度發生嘅一單攞刀就亂斬平民嘅恐怖襲擊案。呢單嘢最後造成6位落咗火車嘅旅客受咗傷[1]

經過[編輯]

2014年5月6號11點幾,一部從昆明去到廣州嘅K366次列車啱啱好到咗廣州站。喺旅客出站嗰陣,有一位着住白衫、白褲、白帽嘅僆仔就開始亂咁斬人,結果搞到有幾位旅客都受咗傷。後嚟巡緊廣州火車站廣場嘅差佬即刻到咗現場加強咗防控。有睇到呢單嘢嘅人話:「去到現場嘅差佬重向天開咗槍之後大嗌咗句『放低把刀』嘅。」結果歹徒就冇聽到,當個差佬係發嗑瘋,重嚟斬差佬都有。結果差佬警告咗佢都冇用之後,就開槍鉼中個歹徒嘅左腳同右胸,其中一個拉緊貨嘅甘肅佬(重有一個係喺黑龍江嚟嘅旅客[2])響背隻度將個歹徒揈低咗,之後差佬一齊將攞咗把刀嘅男性嫌疑人拉咗[3]

作案人數[編輯]

有睇到發生呢單案嘅人[4]話,喺廣州火車站廣場入面唔係淨係得2個負責攞刀嚟斬人嘅,而係有4個頭頂戴住個白帽嘅後生仔。根據廣州公安話,之前響大北立交度拉咗嘅人,冚唪唥都唔關呢單火車站斬人案嘅事。5月6號13點28分,廣州越秀警方就睇返下個閉路電視,發現喺環市中路嘅大北立交2樓度有兩個男仔喺度打交。之後公安馬上派啲差佬嚟處理呢單嘢。差佬到咗現場之後睇到打緊交嘅嗰兩個男仔已經走咗,響現場度重留低咗件有血嘅衫。經過初步調查,發現呢單打交案唔關火車站廣場入面出嘅嗰單嘢。廣州公安官方喺2014年5月6號18點21分就發佈咗消息話差佬去睇過下呢單嘢,其實6號中午,廣州火車站廣場入面出嘅嗰單嘢,實際攞刀亂咁斬人嘅凈係得1個咁少。依家個嫌疑人已經俾差佬鉼傷咗,重送咗去醫院度做手術[5]

傷者傷勢[編輯]

廣州火車站入面被人斬傷嘅6個人,其中有4個送咗去廣州軍區總醫院度,入面有3個人分別俾個歹徒砍傷咗個頸、手,依家已經做咗手術,冇生命危險。其中有1個人喺走佬嗰陣跌傷咗重喺度醫緊,佢都係冇生命危險。廣州市公安局嘅新聞辦公室喺7號晚黑,就向媒體話,5月6號中午發生嘅斬人案,我哋已經好快膬搞掂咗呢單嘢喇,依家已經穩定咗[6]

參攷[編輯]

  1. 廣州火車站發生持刀傷人事件,新華網
  2. 根據2014年5月12號嘅廣州電視台嘅新聞報道講到嘅嘢
  3. 广州火车站4名戴白帽男子持刀砍人 6人被砍伤,网易新闻. 原著喺2014年5月9號歸檔. 喺2014年5月11號搵到.
  4. 广州火车站砍人亲历者:跨步挡住凶徒砍人群 新浪新闻中心
  5. 广州警方称行凶嫌疑人仅1人 四伤者无生命危险,网易新闻. 原著喺2014年5月12號歸檔. 喺2014年5月12號搵到.
  6. 廣州火車站突發事件中6名傷者目前均無生命危險,中國新聞網