廣東俗語考

出自維基百科,自由嘅百科全書
跳去: 定向搵嘢

廣東俗語考》,又叫《廣東方言》,係一本研究廣東話用詞嘅。作者係孔仲南。本書喺1933年南方扶輪社出版,分上下兩冊,上冊八月出,下冊十二月出。

出書嘅目的[編輯]

作者孔仲南喺廣東俗語考嘅自序度咁話,粵語,多數合乎「古音古義」。好似大髀日頭月光,呢尐詞都係出自《五經》。粵語尐嘢嘅雖然係正牌,點解粵名好多「求其聲而無其字」,皆因中文字同讀音分開,喺「輕重清濁之間」就變咗音,好似【無】讀做「母」、【返】就讀做「翻」、【勿】讀做「米」,想寫都唔知點寫,於是乎就「生安白造」整尐字出嚟,即使屈翁山寫嘅《廣東新語》土言一篇入面亦有呢個問題,造出嘅字唔少,「文學大家」係咁,何況「俗人」。作者將平時考究倒嘅廣東字收入書,希望廣東言語學唔會冇咗。呢本書亦將啲錯嘅寫法一概改返啱。

結構[編輯]

上卷有自序、釋天時、釋地理、釋宮室、釋衣服、釋飲、釋形體、釋疾、釋動作上篇、釋動作下篇。其中「宮室」係同建築同建築物有關嘅。下卷就有釋聲氣、釋性質、釋情狀、釋疊字、釋名稱上篇、釋名稱下篇、釋器具上篇、釋器具下篇、釋動物、釋植物

唔入書[編輯]

粵語為咗避忌,將【舌】改做「脷」,【肝】改咗「膶」,諸如此類嘅好多,因為唔知點嚟,唔收入書。「不雅馴之市語」都唔收。未考究倒嘅字,「寧缺無濫」,亦一慨唔寫入書[1]

[編輯]

  1. 《廣東俗語考》《凡例》

出面網頁[編輯]