廣東省二沙體育訓練中心

廣東省二沙體育訓練中心

廣東省二沙體育訓練中心，又嗌二沙體育訓練基地，係中國廣東廣州一體育訓練中心，位置喺廣州市越秀區嘅二沙島入面嘅西邊。佢既係廣東最大嘅體育訓練基地，又係中國大陸入面最早起嘅優秀體育人才訓練基地。呢間訓練中心喺1954年係為咗要應付中國體育代表團要去參加第16屆奧運會嘅關係嚟起咗呢間訓練基地，佔地22萬平方米。

歷史

• 1954年：體育訓練中心完工開放，嗰陣時係中國體育代表團嘅訓練基地。之後就做咗廣東主要嘅體育訓練基地
• 1972年：基地改名叫「廣東省體工隊」
• 1993年：由廣東省人民政府嚟將佢正式改名叫「廣東省職工體育運動技術學院」
• 2000年：改名叫「廣東省體育運動技術學院」
• 2013年：改名叫「廣東省體育訓練中心」

主要任務

呢間體育訓練中心嘅主要任務係培養啲體育猛人。其中主要嘅運動專案係包括咗田徑、游水、舉重、體操、跳水、乒乓波、劍擊、籃球、排球、水上花式游水、羽毛球、網球、武術、彈床、棋牌。

出過嘅猛人

• 中華人民共和國體育代表團入面第一個攞咗世界紀錄嘅人：陳鏡開，舉重。
• 中華人民共和國體育代表團入面嘅第一個世界冠軍：容國團，乒乓波。
• 15個奧運會冠軍：
  • 陳偉強，舉重。
  • 曾國強，舉重。
  • 孫淑偉，跳水。
  • 陳小敏，舉重。
  • 肖俊峰，體操。
  • 胡佳，跳水。
  • 勞麗詩，跳水。
  • 馬琳，乒乓波。
  • 楊景輝，跳水。
  • 楊維/張潔雯，羽毛球。
  • 陳燮霞，舉重。
  • 何沖，跳水。
  • 楊伊琳/李珊珊，體操。