廣東省博物館

出自維基百科,自由嘅百科全書
跳去: 定向搵嘢

廣東省博物館英文Guangdong Provincial Museum)係廣東廣州嘅省級綜合性博物館,有新同埋舊兩間館,一間響文明路,一間響珠江新城入面。

文明路館[編輯]

廣東省博物館嘅文明路館

歷史[編輯]

喺1957年7月19號,廣東省博物館籌備委員會成立,佢負責響邊度起博物館同埋收集文物。雖然話籌委會喺最初揀博物館嘅位嗰陣,就提出咗好多個方案,包括咗越秀山光孝寺中山紀念堂嘅科學館前面嗰笪空地、黃花崗前面嘅墳場嗰邊、小北花圈同埋木殼岡呢啲地方,但係呢啲地方冚嘭唥都唔啱𠼻。結果搞到喺嗰陣時嘅廣東省委書記陶鑄話喺文明路入面嘅廣東貢院舊址個尐起咗間廣東省博物館[1]

呢間嘢本嚟想諗住起到好似間U形大樓咁樣,其中主樓係向東,重有兩棟分別係向南同向北嘅,而總建積就有14000平方米咁大。由於嗰陣經濟困難,到咗1959年嗰陣凈係得南副樓搞掂咗啫。後嚟改革開放咗之後,又喺原嚟嗰尐起咗棟新嘅大樓。而新嘅兩棟大樓就到咗1992年10月先至搞掂,而佢嘅展覽面積啱啱好比原嚟起好咗嘅嗰棟大樓大咗4倍[2]

展館[編輯]

  • 博物館主展館
其中博物館嘅主館係喺1992年起嘅,館入面有13個展廳噉多。面積有2197㎡,館入面嘅展廳包括玉石展廳、陶瓷展廳同廣東嘅歷史。主館嘅名係郭沫若寫嘅。

博物館禮拜二到禮拜日開館,朝早9點到晏晝5點響門口免費派送門票。門票當日有效。領咗門票之後即時可以去到入邊免費參觀。博物館禮拜一休息。

珠江新城館[編輯]

廣東省博物館珠江新城館
珠江新城館入面嘅海洋館

起新館[編輯]

喺2003年,廣東省政府決定投資8.8億蚊人民幣嚟起廣東省博物館嘅珠江新城館嚟滿足進一步嘅發展,重喺同一年辦建築嘅方案設計入面搞咗個國際邀請競賽,有美國、奧地利、日本、荷蘭、英國等8個國家入面嘅10間國際著名建築設計單位嚟參加咗競賽,最後係由香港嘅許李嚴建築師有限公司設計嘅珍寶容器嚟做咗設計方案。而新館就喺2004年12月12號起,到咗2010年5月18號搞掂重開放埋[3] [4]

建築嘅特色[編輯]

廣東省博物館嘅珠江新城館個樣就好似個「寶盒」咁,主體建築嘅周圍都係笪草嚟嘅,入口附近嘅建築距離地面有23米,重有草坡都插到入嚟呢度,入咗去入口之後就係個面積有6000平方米嘅中央大廳,有38米咁高,佢係用咗光棚嚟整嘅,幾有嶺南嘅建築特色。博物館重用咗「剪力牆植入型混凝土巨型筒體-鋼架懸吊結構」嚟整嘅,個展廳入面半條柱都冇。[3]

交通[編輯]

  • 文明路館
    • 巴士:文明路站
3、541、106、215、1、101、104、183、12、35、91、42、183、125號車
  • 珠江新城館
    • 地鐵:
3號線5號線珠江新城站
APM大劇院站

[編輯]

  1. 曹騰騑. 談廣東貢院舊址與廣東省博物館籌建. . 喺2012-07-17搵到;. 
  2. 廣東省博物館歷史沿革與概況. . 喺2012-07-17搵到;. 
  3. 3.0 3.1 廣東省博物館新館設計. 建築學報. 2010年.8月. 
  4. 國際博物館日 廣東省博物館新館免費開放. 中國新聞網. 2010-05-18. 喺2012-07-17搵到;.