二十四方位

出自維基百科,自由嘅百科全書
(由廿四方位跳轉過嚟)
二十四方表

二十四方位方位分法之一,借十天干(除去戊、己,因為代表中間)、十二地支八卦(只包括乾、坤、艮、巽),平均分成二十四方位,以辨西羅經(經讀耕)有寫二十四方,配以指針,以辨方向。當今講法,每位佔十五度。由北順時針數,。陰陽家又稱之為二十四山,讀二十四方位時,叫艮山、丁山之類。依種叫正針。用兩山之名指示中間,叫雙山,指針位叫中針,化成四十八方位。若果用埋正針同中針之間,就叫縫針,即九十六方位。

主要四方,午南,子北,卯東,酉西。八方就加四位,巽東南,艮東北,坤西南,乾西北

傳統方向坐北朝南,畫圖之時,上南下北,左東右西。出土戰國清華簡,都有畫八卦,上南下北。

二十四方位,係正位左右伸七度半,佔十五度。如子為正北位,正北位左右伸七度半咁。

二十四方位嘅八卦,用文王八卦來定。

曆、風水命理[編輯]

此為大宋雍熙三年具註曆中記方位(即公元九百八十六年)

具註曆就係今日通書嘅原形,通書有種種占算嘅方位。故此具註曆會記埋諸神二十四方位,方位避吉凶。自唐以來,通書同具註曆,都會有講有畫方位圖。風水命理涉及流年吉凶方位,都會用到。風水羅經必畫二十四方位。

行船[編輯]

明時講及二十四方位
鄭和行船都羅經指針方位

舊時行船,羅經都用二十四方位,而且用兩方位,加成四十八方位。講及指針時,如乙卯針,丁未針,坤申針、乾戌針,就係相鄰方位中間位。