張永霖

出自維基百科,自由嘅百科全書
跳去: 定向搵嘢
張永霖(2012年3月)

張永霖JP(Linus Cheung,1948年—)係香港亞洲電視前主席[1]、揮揚企業有限公司主席、香港興業國際集團、中國聯通股份有限公司、泰康人壽保險股份有限公司同埋安達國際有限公司獨立非執行董事。佢亦係香港大學校董會成員同埋香港中文大學嘅兼任教授

張永霖1971年喺香港大學畢業後,加入咗國泰航空公司工作咗23年,其間曾經喺1989年至到1990年,獲當時香港總督衛奕信嘅邀請,被全職借調入香港政府中央政策組工作。1999年,張生喺DHL/南華早報舉行嘅評選活動之中,獲評為嗰個年度嘅「香港最佳行政人員」;更加喺1998年同1999年,連續兩年俾亞洲電訊雜誌《Telecom Asia》選為「亞洲最佳電訊行政總裁」。張永霖曾經擔任國泰航空副董事總經理,1994年轉任香港電訊電訊盈科行政總裁2000年8月,盈科數碼同香港電訊合併做電訊盈科,佢出任香港電訊盈科副主席,直至2004年2月辭職,而同年佢亦獲頒授榮譽院士學位。

張永霖一直被喻為「打工皇帝」,但佢早年讀大學亦唔係一帆風順嘅,其中兩年嘅預科生涯,就轉過三間中學。張永霖話,佢自己喺18歲時面對升學問題,同而家嘅青年一樣咁徬徨。中六時,佢由新法書院轉到聖馬可中學,其後又因為當時聖馬可中學無中七課程,所以又由聖馬可中學轉到聖士提反女校,繼續佢中七嘅課程。

經歷兩年崎嶇嘅預科生涯之後,張永霖終於考入咗香港大學,但又要因為要畀每日五蚊嘅宿舍費同五蚊嘅飲食費而四處張羅。為應付呢個開支,張永霖唔介意,夜晚更去西區街坊福利會教英文

張永霖話,做人要不斷努力,不斷求上進,先至會有成功嘅一日。佢以自己為例,大學畢業之後十幾年,仍然唔識講普通話,為咗要練好普通話,張永霖就由最基本嘅拼音、韻母、聲母開始。直至而家,佢已可以用普通話背書,亦可以用純正嘅普通話同朋友談三個鐘頭。佢指呢一啲嘅成功,都係自己努力得來嘅。

張永霖而家亦喺香港電台主持節目《張永霖的世界》,同聽眾分享佢嘅人生經歷,同埋對人對事嘅一啲睇法。

著作[編輯]

  • 《成功路──張永霖的世界1》,天地圖書有限公司2007年7月初版,ISBN 978-988-211-682-5

參考[編輯]