張羣

張羣照

張羣（Chang Ch'ün，又寫Chang Chun；1889年5月9號—1990年12月14號），字岳軍，中國政界人士，生於大清。參與推翻大清，之後喺中華民國內，做過唔同官位。官至行政院長，係中國國民黨元老。佢係四川省華陽縣人，華陽今屬雙流縣。佢係孫文嘅追隨者，係蔣介石嘅同學。佢喺四任總統嘅資政，包括蔣介石、 嚴家淦、蔣經國同李登輝。

生平

周恩來同張羣（右）。

張羣一九零六年就讀保定全國陸軍速成學堂，一九零八年赴日本，就讀振武學堂，同蔣中正為同學，在日期間，參加同盟會，致力推翻大清。其後參與辛亥革命、二次革命、護法運動等。

袁世凱稱帝後，佢離開中國，喺日本完成學業，亦走難到南洋嘅荷屬東印度，卽今印尼。喺嗰處佢敎中文。袁世凱退位後，就返中國。

張羣入咗中國國民黨中央任員，仕途一路直上。一九二七年起任兵工署長，一九二九到三零年任上海特別市市長，一九三零到三二年任上海市市長，之後任湖北省政府主席。上海期間亦係做過同濟大學校長。

一九三五年十二月到一九三七年三月，任國民政府外交部長，期間險被酆悌陰謀刺殺。之後任中央政治會議秘書長。一九三八年一月到一九三九年十二月任行政院副院長，之後任四川省政府主席等職位。中日戰爭後，參加國共談判，是爲國民黨三代表之一。一九四七年四月到一九四八年五月任行政院長，之後任西南綏靖公署主任，行政院政務委員。

之後張羣跟國府遷台，一九五年到一九七二年間，任總統府秘書長，生性奇儉，曾有意與蔣介石競選總統，為蔣所勸退。一九七二年後長期擔任總統府資政。

一九九零年十二月十四號日，張羣因腎功能衰竭，病逝台北，享年一百零一歲。著有《中日關係密錄》等。