張靚穎

出自維基百科,自由嘅百科全書
張靚穎
張靚穎出席2015QQ音樂年度盛典
女歌手
羅馬拼音Zhang Liang Ying
英文名Jane Zhang
花名海豚公主、女神、井姐
國籍中華人民共和國 中華人民共和國
出世 (1984-10-11) 1984年10月11號(39歲)
中國 中國四川成都市
職業歌手、詞曲作家、音樂製作人
語言普通話四川話英文、少少粵語、少少西班牙文
教育程度四川大學外國語學院英文系[1]
配偶馮軻2016年結婚)
父母張桂英(母親)
音樂類流行樂R&B
活躍年代2005年到而家
唱片公司華誼兄弟(2005年—2009年)
環球音樂(2009年—2013年)
索尼音樂(2013年—)
經紀公司天娛傳媒(2005年)
華誼兄弟(2005年—2009年)
少城時代(2009年—)
簽名

張靚穎粵拼zoeng1 leng3 wing6簡化字张靓颖英文Jane Zhang1984年10月11號—),中國大陸女歌手四川成都人,2005年參加湖南衛視超級女聲》比賽獲得季軍出道[2]。喺歌唱比賽入面演唱漢語粵語西班牙語英語歌曲。因為喺比賽入面唱出高難度嘅海豚[3][4],畀媒體同歌迷叫做「海豚公主」[5]。賽後簽約華誼兄弟,2009年約滿後,同朋友合組公司少城時代,同時同環球唱片簽署全球唱片合約[6]。截止2014年7月,已發行7張個人專輯、三張EP、一張翻唱專輯。佢唱過電影主題曲,並憑電影畫皮主題曲《畫心》,拎咗第28屆香港電影金像獎最佳原創電影歌曲,成為第一個獲得該獎項嘅中國大陸女歌手。除咗呢樣,佢都多次獲得多個頒獎典禮嘅「最佳女歌手」獎項,包括連續七屆嘅中歌榜最佳女歌手,四屆東方風雲榜最佳女歌手同蟬聯3屆華語榜中榜最佳女歌手等。2012年4月9號,佢同100幾個歌迷錄制咗個人第六張專輯《傾聽張靚穎》[7],呢個都係佢首次嘗試現場專輯,呢張專輯同時都係2012年度中歌榜嘅最佳專輯。2014年7月份佢發行咗佢嘅第7張專輯《第七感》。2014年12月,加盟湖南衛視《我是歌手》第三季、為首發歌手,喺第三輪遭到淘汰,因需要赴美製作新專輯,3月11號發表聲明,唔再參加突圍賽[8][9]

佢依家係中國商業價值最高嘅女歌手之一,成都市政府公示文件話,佢嘅年產值高達11億元人民幣[10]

早年生活[編輯]

佢出於四川成都一個普通工人家庭,阿爸係運輸公司嘅司機,阿媽喺百貨商店做營業員,依家喺運輸公司返工。15歲嗰年,阿爸死咗阿媽下崗,為咗幫阿媽分擔生活重壓,讀緊初中嘅佢去到成都著名嘅「音樂房子」酒吧擔任兼職駐唱歌手[11]

2003年,通過自考進入四川大學外國語學院英語系。2004年,參加「閃亮之星全國大學生歌手選拔賽」獲得全國總冠軍,同年參加「京都念慈庵PUB歌手大賽」再次獲得全國總冠軍。

職業生涯[編輯]

超級女聲[編輯]

2005年,佢參加咗超級女聲成都賽區預賽,以第二名嘅成績晉級全國總決賽。

喺超級女聲從海選到總決賽嘅咁多場比賽入面,佢選擇咗多種唔同風格嘅歌曲,以英文歌為主,百變嘅風格廣為受落。佢演唱英文歌吸引一大批歌迷。呢個令佢迅速成為呢場公眾參與選舉嘅「女生秀」嘅「英雄」。佢喺比賽入面成功演繹咗唔同語言、多種風格嘅作品,顯示咗對多變嘅嗓音同對多種音樂形式嘅掌控力,令歌迷鐘意,重獲得大批專業人士同出名嘅人讚譽。佢演唱嘅英文歌中以《阿根廷,別為我哭泣》同《Loving You》最為出名。前者被評委黑楠形容做「用靈魂歌唱」,後者就展示咗高難度嘅海豚音(whistle register),為她贏得咗「海豚公主」嘅美譽。演唱嘅中文歌入面,佢以鄧麗君嘅作品演繹獲得較多好評,為以後嘅鄧麗君紀念音樂會被邀請演出打下基礎。最終,佢喺最後一場總決賽入面,以約130萬票嘅短信獲得全國第3名。佢歌迷被稱做「涼粉」。比賽後,佢簽約華誼音樂同華友世紀,並迅速開始咗佢成為專業歌手嘅音樂之旅。

此前,佢都曾參加過《我型我秀》嘅海選,之後淘汰。有網友爆出佢遭到淘汰嘅原因係因為缺乏個性時尚嘅特徵[12]

簽約華誼兄弟同「張靚穎全球歌友會」成立[編輯]

喺超級女聲比賽之後,同簽約華誼音樂同華友世紀,開始做專業歌手。比賽之後一個月,佢支持者成立咗「張靚穎全球歌友會」,之後佢參加咗歌迷答謝會嘅演出。

2006年1月,佢個人首張EP《Jane·愛》正式推出。EP 中嘅中文主打歌《光芒》一般認為係佢心聲嘅寫照。英文歌《To Be Loved》就延續咗佢擅長唱英文歌嘅形象。EP銷量達到50萬張。2006年10月,佢推出咗佢首張個人專輯《THE ONE》。《THE ONE》係一張中英文雙語專輯,由七首中文歌同三首英文歌組成。中文歌曲部分由李偉菘監制,主打都市情歌路線,《這該死的愛》同《如果愛下去》都係代表作。英文歌就繼續延續咗佢擅長英文歌嘅形象,由美國製作人 Craig Williams 製作[13]。對於呢張專輯,批評嘅人認為情歌路線同符合唔嘅佢唱大歌嘅風格,亦有批評意見話中英文混合令專輯嘅風格唔統一。事實上,《THE ONE》上市一週就達到五萬張銷量。佢嘅情歌受到市場嘅肯定。就算一年之後,《THE ONE》重喺出現喺銷量榜。佢憑住《THE ONE》拎咗幾個獎項嘅最佳女歌手獎。

2007年8月1號,佢出個人第二張專輯 《Update》,加入R&B爵士樂嘅元素[14]

2009年1月16號,《張靚穎@音樂》呢張專輯嘅出發點就係「張靚穎的音樂」——「張靚穎在音樂中,音樂就是張靚穎」。張專輯由台灣音樂人娃娃統籌,音樂人司徒松(Keith)、張亞東、郭亮擔綱製作。

簽約環球唱片[編輯]

2009年6月17號,據佢嘅經紀公司確認,離開華誼自組公司嘅佢喺6月17號下晝5點正式宣布加盟環球唱片。環球唱片大中華區總裁張松輝先生代表環球唱片,喺北京同少城時代公司簽署咗佢嘅全球唱片約,同埋少城時代其他藝人嘅中國大陸同亞洲地區的唱片約。同華誼兄弟音樂公司3年合約期滿之後,佢海外唱片約嘅種種猜測都終於塵埃落定。

佢加盟環球唱片後首張大碟《我相信》中國大陸版喺2010年2月2號發行,國際特別版2010年4月9號喺香港同台灣發行。由阿弟仔擔綱製作人。

加盟索尼音樂[編輯]

2014年7月21號,佢喺北京服裝學院舉辦第7張個人專輯《第七感》發布會暨音樂體驗概念秀,發布會上索尼音樂大中華區CEO徐毅宣布張靚穎加盟索尼音樂[15]

2014年12月,加盟湖南衛視《我是歌手》第三季、為首發歌手,喺第三輪遭到淘汰,因需要赴美製作新專輯,3月11號發表聲明,唔再參加突圍賽[8][9]

2016年4月24號,參加浙江衛視大型音樂推理節目《誰是大歌神》,為第8期大歌神。

2017年10月,參加浙江衛視電視音樂節目夢想的聲音 (第二季),做常駐導師。

《我是歌手》第三季[編輯]

2014年12月,加盟湖南衛視《我是歌手》第三季、為首發歌手,喺第三輪遭到淘汰,因需要赴美製作新專輯,3月11號發表聲明,唔再參加突圍賽[8][9]

我是歌手第三季 張靚穎競演排名
期數 輪數 播出日期 演唱歌曲 原唱 歌曲介紹 排名 得票率 出場序 備註
1 第一輪排位賽 1月2號 我用所有報答愛 張靚穎 詞:范學宜
曲:譚 盾
編曲:梁翹柏
2 18.67% 6 歌手互投第2名
2 第一輪淘汰賽 1月9號 編曲:阿弟仔 1 25.33% 4 個人最高排名同得票率
歌手互投第1名
兩場總成績第1名
餓狼傳說 張學友 詞:潘偉源
曲:劉諾生
Lady Marmalade Labelle 詞/曲:Robert CreweKenny Nolan
3 第一輪踢館賽 1月16號 生如夏花 朴 樹 詞/曲:朴 樹
編曲:萬家銘
7 不詳 1 個人最低排名
4 第二輪排位賽 1月23號 離歌 信樂團 詞:姚若龍
曲:尹義桑
編曲:康友韋
7 7.12% 3 個人最低排名同得票率
5 第二輪淘汰賽 1月30號 Bang Bang Jessie JAriana GrandeNicki Minaj 詞/曲:Max MartinSavan KotechaRickard Göransson、Nicki Minaj
編曲:蔡庭貴
1 19.18% 6 個人最高排名
歌手互投第1名
兩場總成績第4名
30組第1名
6 第二輪踢館賽 2月6號 忘情森巴舞 草 蜢 詞:蔡一智
曲:V.Barber
編曲:廖偉傑
5 不詳 6 加入Astor PiazzollaLibertango》旋律同舞步
7 第三輪排位賽 2月13號 是否 蘇 芮 詞/曲:羅大佑
編曲:萬家銘
7 8.19% 1 個人最低排名
8 第三輪淘汰賽 2月20號 編曲:Nick Pyo 7 7.66% 4 個人最低排名
兩場總成績第7名
加入ABBA嘅《Gimme! Gimme! Gimme! (A Man After Midnight)》旋律
冬天裏的一把火 高凌風 詞:莊 奴
曲:Ben FindonBob PuzeyMike Myers
Sexy Music The Nolans 詞/曲:Ben Findon、Bob Puzey、Mike Myers
9 第三輪踢館賽 2月27號 All of Me John Legend 詞/曲:John Legend、Toby Gad
編曲:梁思樺
返場表演 4

個人生活[編輯]

2015年7月4號夜晚,佢喺長沙站嘅演唱會上公佈馮軻喺佢男朋友,佢係北京少城時代文化傳播有限公司首席執行官、公司總經紀人,重當場向男友提出求婚。2人喺2003年相戀,2005年馮軻同前妻正式離婚,佢同前妻育有兒女[16]

2016年10月8號,媒體報道張靚穎同馮軻將喺11月9號喺意大利舉行婚禮,已有部分人收到咗請帖。佢工作室人員表示此消息屬實[17]。之後喺第二日,佢嘅阿媽張桂英喺發表嘅公開信中表示,馮軻欺騙張靚穎令佢唔知情做咗第三者,重侵吞佢同公司嘅股份。張桂英重表示,馮柯唔係一個可以將女兒託付終身嘅男人,而佢都繼續成為馮軻掙錢工具,因此佢嘅阿媽反對2人嘅婚事[18]。對此,佢同馮軻均發表聲明,表示佢同馮軻之間「沒有任何原則性問題的可能」。馮軻喺微博中都表示,佢婚前婚後嘅財產均歸屬於佢同馮軻2人共同所有,重願意將佢名下所有財產轉移到張靚穎名下[19]。而一早在喺9月30號,佢嘅阿媽張桂英喺律師陪同下到朝陽法院遞交起訴書,狀告馮軻同佢名下嘅少城時代公司損害股東利益,目前北京朝陽法院已經立案[20]

喺2016年10月11號嘅張靚穎生日會上,佢表示馮軻財產都已轉到自己名下,令到反對2人結婚嘅阿媽態度轉趨為支持。而張母都已經向法院申請咗損害股東利益嘅撤訴[21]

2016年11月8號,佢同馮軻嘅婚禮喺意大利舉行,劉亦菲王珞丹譚維維等擔任伴娘,唐嫣周筆暢等嘉賓出席,但佢嘅阿媽冇現身婚禮[22]

音樂作品[編輯]

專輯/EP[編輯]

依序 發行日期 名稱 類型 發行公司
1 2006年1月12號 Jane·愛 EP 華誼兄弟
2 2006年8月7號 我愛鄧麗君 Live 華誼兄弟
3 2006年10月11號 The One 錄音室專輯 華誼兄弟
4 2007年8月2號 Update 錄音室專輯 華誼兄弟
5 2007年12月8號 Dear Jane EP 華誼兄弟
6 2009年1月16號 張靚穎@音樂 錄音室專輯 華誼兄弟
7 2010年2月2號 我相信 錄音室專輯 環球唱片/少城時代
8 2011年6月1號 改變 錄音室專輯 環球唱片/少城時代
9 2012年6月8號 傾聽 張靚穎 Live 少城時代
10 2013年6月25號 感謝 EP 少城時代
11 2014年7月21號 第七感 錄音室專輯 索尼音樂/少城時代
12 2016年12月30號 領銜主演 精選輯 索尼音樂/少城時代

個人單曲[編輯]

廣告歌曲[編輯]

  1. Open Up Your Dreams:2005年7月25號作為某遊戲網站的主題歌發表
  2. 放輕松:今麥郎清茶的廣告歌曲,收錄喺宣傳用嘅單曲CD上
  3. 瞬間傾心,恆久鐘情:東風本田汽車嘅廣告歌曲,收錄喺宣傳用嘅單曲CD上,另一歌名為《那一瞬間》,作曲陶喆
  4. 需要你:光明乳業暢優酸乳2010廣告曲
  5. 我的模樣:斯柯達晶銳家用緊湊型轎車2011年廣告曲
  6. 無法言喻:佳能DV2011年廣告曲
  7. 改變:資生堂旗下泊美護膚品2011廣告曲
  8. 感覺 Pure Love:資生堂旗下泊美護膚品2012廣告曲,收錄喺宣傳用嘅單曲CD上
  9. 滾動:斯柯達晶銳家用緊湊型轎車2013年廣告曲
  10. 第七感:資生堂旗下泊美護膚品2014廣告曲
  11. Change Your World:百威啤酒2015廣告曲
  12. 依賴:斯巴魯汽車2015廣告曲
  13. 我的夢/Dream It Possible:華為消費者業務主題曲
  14. Make It Big:華爾街英語2016廣告曲
  15. Amazing:三國志2017遊戲主題曲。
  16. Dust My Shoulders Off: 2017 Hulu Come TV With Us Commercial。

影視歌曲[編輯]

  1. Jolly Good Fellow:電影《春田花花同學會》插曲,收錄喺電影原聲碟
  2. 天下無雙:電視劇《神鵰俠侶》06年央視版本嘅主題歌,收錄喺電視劇原聲碟
  3. 我用所有報答愛:電影《夜宴》片尾曲,收錄喺電影原聲碟
  4. 新不了情:爾冬升執導電視劇《新不了情中文新不了情 (2008年電視劇)》主題曲
  5. 行雲流水: 電影《動物狂歡節》主題曲。
  6. 木蘭星:電影《花木蘭》插曲
  7. 印象西湖雨:由張藝謀執導嘅大型舞臺劇《印象·西湖》主題曲,由國際音樂大師喜多郎作曲,作詞王潮歌
  8. 朝思暮想:電影《熊貓大俠》主題曲
  9. 這麼近那麼遠:電影《80後》主題曲
  10. 來不及流淚的人:電影《嬉遊記》主題曲
  11. 來不及說愛你:電視劇《新玉觀音》主題曲
  12. 我飛故我在:電影中國版《歌舞青春》主題曲,同林俊傑合唱
  13. Heroes:電影《功夫之王》片尾曲
  14. You Are My Sunshine:電影《何以笙簫默》主題曲
  15. 畫心:電影《畫皮》主題曲
  16. 畫心II:電影《畫皮II》主題曲,畫心改版
  17. 我去了:電影《鄭和1405-魔海尋蹤》插曲
  18. 終於等到你:電視劇《咱們結婚吧》片尾曲
  19. 陪你走到底:電視劇《我愛男閨蜜》片尾曲
  20. 破曉以後:電影《龍之谷:破曉奇兵》主題曲
  21. 第七感:電影《愛情進化論》主題曲
  22. 永遠:電視劇《第六感任務》台版片尾曲;電視劇《她的神話》台版主題曲
  23. Be Here:電影《露水紅顏》主題曲
  24. 老地方:電影《我的早更女友》主題曲
  25. 真愛的味道:電影《無價之寶》主題曲
  26. 無字碑:電視劇《武則天傳奇》主題曲
  27. 敢為天下先:電視劇《武則天傳奇》插曲
  28. 轉眼一生 轉身一世:電視劇《於無聲處》主題曲
  29. Could you stay with me: 電視劇《洋嫁》主題曲
  30. 有多少愛可以重來: 電影《萬物生長》主題曲,張靚穎、韓庚 合唱。
  31. Fighting Shadows: 電影《魔鬼終結者:創世契機》主題曲,同大肖恩合唱
  32. 他們說:電視劇《龍門鏢局為2歸來》主題曲
  33. 一定要幸福:電視劇《咱們相愛吧》主題曲
  34. Battle Field:2016年電影《長城》主題曲
  35. 童謠: 微電影《童謠》主題曲。
  36. 只是沒有如果: 電視劇《那年青春 我們正好》片尾曲,同王錚亮合唱
  37. 順流而下:2016年底網路劇《鬼吹燈之精絶古城》主題曲
  38. 玲瓏:電視劇《醉玲瓏》主題曲。

公益歌曲[編輯]

  1. Give Your Love:2007年錄制嘅世界和平組織「給和平一個機會」世界巨星共唱和平之歌活動主題曲
  2. 愛心互聯:2008年互聯網公益活動主題曲,群星合唱
  3. 相信愛:2008年5月14號,百幾位歌手共同錄制抗震救災公益歌曲
  4. I Love This City:2008年6月,成都城市形象宣傳片主題曲
  5. 芝罘島:2008年10月16號,第3屆煙台國際動漫藝術節大型主題晚會《海漫夢幻》主題歌
  6. One Woman: 2013年3月8號,聯合國婦女署公益主題歌曲
  7. 感謝:2013年6月25號,「留住江豚的微笑」活動主題曲,收錄喺公益EP《感謝》
  8. 億聲祝福:2013年6月25號,「騰訊公益」活動主題曲,收錄喺公益EP《感謝》

對唱歌曲[編輯]

  1. 你叫什麼名字:同李慧珍合唱,收入李慧珍2007專輯《愛死了》
  2. 擁抱愛的夢想:同安德烈·波切利合唱
  3. 驕傲飛翔:同楊坤合唱,2009年中國網球公開賽主題曲
  4. 另一個天堂:同王力宏合唱,收入2009年王力宏《心.跳》專輯
  5. 旗開得勝:同張學友,K'naan合唱,2010年南非世界盃主題曲
  6. 阿拉儂 Better City Better Life:同劉德華合唱,2010年上海世博會主題曲
  7. 我飛故我在:同林俊傑合唱,2010年電影《歌舞青春》主題曲
  8. 美麗與勇敢:同阿弟仔合唱,2011年《改變》專輯
  9. 因為愛:同潘辰合唱,2012年《潘辰》同名專輯
  10. 一輩子朋友:同楊坤合唱,2013年中國中央電視台春節聯歡晚會合唱曲
  11. 點亮未來:同張杰金秀賢噶麗婭合唱,2014年南京青奧會主題曲
  12. 愛的供養:同張杰合唱,單曲
  13. 燕歸巢:同張杰合唱,單曲
  14. 天書世界:同王錚亮合唱,同名遊戲主題曲
  15. 無所謂 :同方大同合唱

個人創作[編輯]

演唱現場[編輯]

音樂會[編輯]





演唱會[編輯]









影視作品[編輯]

演唱會影音[編輯]

發佈時間 演唱會
2007年 張靚穎 2007北京演唱會
2012年 張靚穎 我的模樣演唱會
2016年 張靚穎 Bang the World《光芒背後》巡演紀錄片
2016年 《我用所有報答愛》「張靚穎和她的朋友們」跨界古典音樂會紀錄片

電影[編輯]

上映時間 電影 扮演角色 導演 合作藝人
2006 《春田花花同學會》 麥兜人型 趙良駿 謝霆鋒周筆暢張柏芝

微電影[編輯]

上映時間 微電影 扮演角色 導演 合作藝人
2013年12月 《WWF拯救江豚公益片:72小時邂逅》

電視劇[編輯]

上映時間 電視劇 扮演角色 導演 合作藝人
2006年 《美麗分貝》 女主播 孫子榮 何潔賈乃亮陳西貝
2007年 《太陽出來喜洋洋》 音樂老師 蔣叢 劉璇

舞台劇[編輯]

時間 劇名 地點 角色 備註
2005年12月9號 《電影之歌》 北京保利劇院 少女蘇君 紀念中國百年電影的大型多媒體音樂劇《電影之歌》——北京站
2006年6月17號 《電影之歌》 成都錦江禮堂 少女蘇君 紀念中國百年電影的大型多媒體音樂劇《電影之歌》——成都站
2006年6月30號 《電影之歌》 上海大舞台 少女蘇君 紀念中國百年電影的大型多媒體音樂劇《電影之歌》——上海站
2007年12月13號 《茉莉花》 北京保利劇院 少女茉莉 中國歌舞劇院的歌舞劇《茉莉花》

寫真書籍[編輯]

發行時間 書名 作者 出版社
2005年9月1號 《靚聲靚穎》 天娛傳媒 吉林文藝出版社

獎項[編輯]

大型獎項[編輯]

社會榮譽[編輯]

國際交流[編輯]

參考[編輯]

  1. . 原著喺2015年5月12號歸檔. 喺2017年3月11號搵到.
  2. #FFD9E6korn, Jeremy (2005年8月24號). "The final week of TV sensation Super Voice Girls". Danwei.org. 原著喺2007年8月17號歸檔. 喺2007年7月29號搵到.
  3. Chen, Steven. "Vitas meant to be heard, not sung". 原著喺2008年4月7號歸檔. 喺2007年10月28號搵到.
  4. "Hitting Glass-Shattering High Notes". Beijing Today. 原著喺2008年9月10號歸檔. 喺2007年10月28號搵到.
  5. "Zhang Liangying, Cui Jian Sing for Football Fans". CRIENGLISH.com. 原著喺2007年11月9號歸檔. 喺2007年10月28號搵到.
  6. 靚穎成其偶像瑪麗亞-凱麗師妹 唱片約花落環球. 新京報. 喺2009年6月19號搵到.
  7. 亮廖 (2012). 聽張靚穎現場專輯 古典之美 聲色俱佳. (簡體中文). 遼寧瀋陽市: 遼寧省文學藝術界聯合會 (2012年12期). ISSN 0512-7920. 原著喺2021年2月14號歸檔. 喺2017年3月11號搵到. {{cite journal}}: Cite has empty unknown parameters: |month=|coauthors= (help)
  8. 8.0 8.1 8.2 靚穎退出歌手3突圍賽 或因競爭慘烈. . 2015年3月12號.
  9. 9.0 9.1 9.2 靚穎退出我是歌手真正原因!3月27日歌王誕生. 方日報. 2015年3月13號. 原著喺2015年3月14號歸檔. 喺2017年3月11號搵到.
  10. . 201年8月22號. 原著喺2021年3月21號歸檔. 喺2016年8月22號搵到. {{cite news}}: Check date values in: |date= (help)
  11. . 新民晚報. 喺2011年3月23號搵到.{{cite web}}: CS1 maint: url-status (link)
  12. 歌神靚穎自曝選秀淘汰往事 只因不夠時尚. 中國網娛樂. 2016年4月22號. 原著喺2019年5月20號歸檔. 喺2016年4月22號搵到.
  13. "Super Girl Jane Zhang Goes to America to Record New Album". China.org. 2006年7月19號. 喺2007年7月20號搵到.
  14. Mingxin, Bi (200年8月2號). "Zhang Liangying releases second album". Xinhuanet.com. 喺2007年9月14號搵到. {{cite web}}: Check date values in: |date= (help)
  15. 靚穎七感念秀 周傑倫王力宏送祝福. QQ娛樂. 2014年7月23號. 原著喺2020年3月27號歸檔. 喺2014年7月23號搵到.
  16. 靚穎演唱會告白 被曝曾插足馮軻婚姻. 中國日報網(北京). 2015年7月5號. 原著喺2017年9月3號歸檔. 喺2017年3月11號搵到.
  17. 靚穎被曝結婚 已有部分親友收到請帖周筆暢李宇春或重聚. 中國青年網. 2016年10月8號.
  18. 靚穎母親發公開信 明確反對女兒與馮柯結婚. 騰訊娛樂. 2016年10月9號.{{cite web}}: CS1 maint: url-status (link)
  19. 靚穎馮軻將成婚 張母公開反對婚事. 新京報. 2016年10月10號. 喺2016年10月10號搵到.
  20. 婿. 京華時報. 2016年10月11號. 喺2016年10月11號搵到.
  21. 靚穎媽媽答應女兒婚事 已對馮軻撤訴. 中國新聞網. 2016年10月12號. 喺2016年10月12號搵到.
  22. . 網易娛樂專稿. 2016年11月10號. 喺2016年11月10號搵到.

出面網頁[編輯]

2005 超級女聲全國10強 (總決賽抽籤序號)
01. 張靚穎02. 何 潔03. 易 慧04. 紀敏佳05. 朱 妍
06. 叶一茜07. 周筆暢08. 李宇春09. 趙靜怡10. 黃雅莉