彭秀慧

出自維基百科,自由嘅百科全書
跳去: 定向搵嘢
彭秀慧
KP Headshot.jpg
藝人
英文名 Kearen Pang
職業 藝人跨媒體創作人作家編劇
合作成員
前任合作成員

彭秀慧(Kearen Pang,2月11號—)係香港跨媒體創作人,曾經編寫、導演、主演幾個劇場電影作品,喺香港各個媒體活躍。

早年[編輯]

佢喺嘉諾撒聖瑪利書院讀中學,之後喺香港演藝學院表演系畢業1998年畢業後加入中英劇團做全職演員,曾經喺多個劇裏面擔演主要角色,包括《丁燈》、《轉得快好世界》、《元宵》、《仲夏夜之夢》、《點解手牽狗》、《非常偵探》同埋《煉金術士》等。兩度獲提名香港戲劇協會舞台劇獎最佳女主角獎。

2003年離團後,以自由身演員身份分別演出:獨腳戲《夏之火:鏡花水月》、無人地帶《日落前後的兩三種做愛方式》、劇場工作室《女幹探》、瘋祭舞台《七重天》同埋香港戲劇協會二十週年演出《承受清風》(首演同重演)。

近年喺唔同藝術領域發展,劇場電影文字表演創作行政,都有佢蹤影。演戲之外,亦做其他劇場崗位,包括為瘋祭舞台導演同演出《剖你一個措手不及》,為中英劇團音樂劇《雪夜頌》擔任編舞;監製2004年香港藝術節節目《再生緣》(彭浩翔導演,莫文蔚主演)同《程理高尋找塊落音樂會》。

2004年得到香港戲劇協會獎學金到巴黎Studio Magenia讀默劇同形體劇場。返嚟之後,同唔同劇團合作參演好多個舞台演出:《事先張揚的求愛事件》、《伽瑪葉‧前行動》、《二人餐》、《我不好愛》等等。

近年[編輯]

除咗舞台演出之外,07年佢分別導演音樂劇場《瘋女社》同埋劇場組合青年劇場PIPPOP《齊齊做世界》,都獲得好好評價。09年佢獲邀請同太古集團港島東合作,發展劇場項目,監製、創作同埋導演年青人遊樂劇場《大城小我》。

佢寫嘅第一個電影劇本係係柏林國際電影節銀熊獎得獎電影,彭浩翔電影作品《伊莎貝拉》,亦都撰寫埋呢部電影嘅小說。佢亦有為香港電台編寫青春劇《過渡青春》(其中五集),重得到2007年 en:The Accolade Competition 嘅 “Best of Show” 同 “Honorable Mention” 獎項[1]

2005年,彭秀慧創立 Kearen Pang Production,推廣表演藝術,普及舞台文化同埋創作屬於香港嘅舞台演出。

2005年第一次發表自編自導自演作品《29+1》。2007年創作第二齣個人劇場作品《再見不再見》,彭秀慧並憑《再見不再見》獲得香港戲劇協會舞台劇獎最佳女主角(喜/鬧劇)[2]

29+1 photo by Marco Yiu

2008年彭秀慧同創作人茜利妹聯合創作《不眠優伶》,以女嘅角度講瞓唔着城市人嘅心事,以棟篤笑演出。

2009年第三齣個人劇場作品《月球下的人》,係一個關於夢想嘅故仔。

月球下的人 photo by Francesca L

2010年,KPP首度搬演美國翻譯喜劇《點解手牽狗》,由彭秀慧監製同飾演狗仔Sylvia。

2012年,第四齣個人劇場作品《Tiffany》,被台灣雜誌《Style Master》評述為一個活生生嘅『現代女子領略幸福實錄』。婚禮統籌師Tiffany從來無憧憬過擁有夢幻婚禮,因為佢成長同經歷令佢選擇相信自己多過任何人。故事由一場意外開始,原來生命本就充滿唔係意外嘅意料之外。乜嘢係幸福?係緣分注定一切?定係決定扭轉命運?喺一切終結之前,邊個敢保證每個決定都係啱嘅……Kearen重請到本地著名舞蹈家王榮祿先生參與演出,兩度公演。

獎項[編輯]

2008年憑個人劇場作品《再見不再見》獲香港舞台劇獎最佳女主角(喜/鬧劇)。

2009年彭秀慧被網站CNNGO.COM評選為「The Hong Kong Hot List: 20 People To Watch」(「香港名人錄:20位矚目的名人」)之一,讚揚「佢嘅劇本充滿戲劇性而且有住一種神秘嘅感性,能滲透觀眾嘅心入面。」[3]

2011年Kearen喺民意投選下獲得香港電台香港戲劇協會聯合頒發香港舞台劇「20年來最入心女演員獎」[4]

2012年獲城市女青年商會頒發「全港時尚專業女性」[5]

2013年獲 Marie Claire雜誌頒發“Inspiring Woman Award”,Roadshow 頒發「一路最愛文化藝術大獎」。

2014年當選成為「香港十大傑出青年」。

出版作品[編輯]

  • 《伊莎貝拉》電影小說 (2006),博益集團。
  • 《再見不再見 看見‧故事》 (2007),Cup Magazine Publishing Limited,ISBN-13: 978-988-17007-5-9
  • 《29+1過後,我們重新做女人》 (2014),亮光文化。

出面網頁[編輯]