從化

乾隆時，從化縣喺省城東北，歸廣州府

從化喺中國廣東，家下係廣州市嘅縣級市，叫從化市。從化原本係個縣，叫從化縣。

地理

山

從化境內多山，東北有五指山同十八山。

水

流溪水來自十八山，南行會合陳峒水同玉溪，跟住再納埋曲江同黎塘，會經番禺入石門。

溪水儲起做水塘。

史

從化市原本番禺之地，大明番禺縣譚觀福、張洪祐反抗官府，明軍討平。喺弘治二年三月己巳日，卽一四八九年四月十一號，設從化縣，取【遠氓歸化】之意。大清時係屬廣州府，設流溪巡司，有石岐驛。

一九九四年，縣改做縣級市。

政區

從化市有三街七鎮，街口街、城郊街、江埔街、溫泉鎮、良口鎮、呂田鎮、太平鎮、鰲頭鎮。

能源

從化市有廣州抽水蓄能電站，裝機容量240萬千瓦，係全世界容量最大嘅抽水蓄能電站。佢所發電力，大部分用響南方電網調峰同埋供給香港之用。

旅游

中部有從化溫泉，環境優美，係一處度假勝地。有流溪河同石門兩處國家森林公園，同埋北迴歸線塔等旅游區。

物產

從化地處嶺南，特產荔枝同荔枝蜜，係中國主要荔枝產地。每年產量數萬噸，有妃子笑、狀元紅、糯米糍等30幾個品種。