德國

德國國旗

德國，又叫德意志（Deutschland），正式國名叫做德意志聯邦共和國（Bundesrepublik Deutschland），係中歐一國。地理上北面係北海、丹麥同波羅的海。東面係波蘭同捷克，南面係奧地利同瑞士，西面係法國、盧森堡、比利時同荷蘭。德國係歐洲鄰國最多嘅國家（有9個鄰國）。

德國係一個民主議會制聯邦共和國，由16個聯邦州組成，每一個州都獨立於聯邦。聯邦共和國嘅首都係柏林。

德國歷史上係有一批主權國，各有歷史，文化同宗教。德國喺1871年普法戰爭嗰時第一次形成統一嘅國家。德國係第一次世界大戰同第二次世界大戰嘅主要發動國同戰敗國，二戰之後，德國喺1949年俾美蘇英法四強分割成為東德（德意志民主共和國）同西德（德意志聯邦共和國）兩部分。1989年東歐民主運動開始，包括東德在內嘅多國共黨政權紛紛倒台；喺四強同意下，1990年東德同西德終於統一。

德國係聯合國、北約、G8同G4成員國，亦係歐盟創辦國之一。響歐盟裏面佢人口（超過8200萬）同經濟實力都係最強。

出面網頁

維基同享有多媒體嘅嘢：

德國

• 德國聯邦政府官方網站
• 德國國家旅遊局