恆基兆業發展

出自維基百科,自由嘅百科全書
跳去: 定向搵嘢

恆基兆業發展有限公司英文Henderson Investment Limited,簡稱恆發香港交易所00097)係一間喺香港交易所上市嘅綜合企業,母公司係恆基兆業地產有限公司(恆地,香港交易所00012,截至2010年12月31號持股量約莫67.94%[1])。主要業務係基建項目同埋投資控股。公司喺香港註冊,主席係李兆基先生。

恆發前身係永泰置業有限公司,喺1970年創立,1972年喺香港招股上市1975年,李兆基用物業嚟換咗永泰1,900萬股新股,攞到永泰42.9%股權,成為最大股東而入主永泰董事局。至1979年度,永泰嘅市值已經躍升至9億港元,多咗20幾倍,成為咗一隻有26個地盤、總樓面面積達260幾萬平方英尺嘅中型地產股。

1988年8月,恆基兆業集團再改組,恒基地產收購咗永泰,將永泰改名做「恆基兆業發展有限公司」。截至1990年3月,恆發嘅市值已經有40.85億港元。

2007年12月7號,恆發股東通過恆地向恆發收購中華煤氣香港交易所00003)嘅39.06%股權[2][3]。搞掂咗呢單刁之後,恆發變咗空殼公司。其後恆發以基建業務為主,並唔排除考慮其他投資機會。試過傳過恆發想買起電視廣播香港交易所00511),但係只聞樓梯響,到2011年電視廣播大股東賣盤都未成事。

[編輯]

  1. 恒基兆業地產有限公司 集團架構
  2. 集團重組公佈
  3. 股東特別大會之點票方式表決結果

出面網頁[編輯]