恐狼

出自維基百科,自由嘅百科全書
跳去: 定向搵嘢
en:Wikipedia:How to read a taxoboxHow to read a taxobox
恐狼
Dire Wolf.jpg
瀕危指標
Prehistoric
物種分類
界 (Regnum): 動物界 Animalia
門 (Phylum): 脊索動物門 Chordata
綱 (Classis): 哺乳綱 Mammalia
目 (ordo): 食肉目 Carnivora
科 (familia): 犬科 Canidae
屬 (genus): 犬屬 Canis
種 (species): 恐狼 C. dirus
二元學名
Canis dirus
Leidy, 1858

恐狼學名Canis dirus)係犬屬一個已絕種物種,係更新世北美洲裏面非常普遍嘅食肉動物。雖然佢哋同灰狼有啲似樣,但唔係任何現存物種嘅直系祖先,不過恐狼同灰狼都係喺北美洲一齊生存咗大約十萬年。大約喺一萬年前,恐狼同其他大部份嘅北美洲大型動物一齊絕種。

恐狼嘅第一個標本係由Francis A. Linck響1854年,沿住美國俄亥俄河印第安納州埃文斯維爾鴿子河河口度發現,而大部份嘅化石就響加州拉布雷亞瀝青坑發現。

特徵[編輯]

恐狼比灰狼大啲啲,平均約有1.5米長及50公斤重。[1]恐狼嘅腳喺比例上比灰狼嘅短同強壯,可見恐狼並唔擅於奔跑,因而有可能係食腐肉或者以捕獵較大型同笨重嘅獵物為生。

同灰狼相比,恐狼嘅頭又大又闊,腦蓋較細。恐狼嘅較巨大,喺冠上有大量嘅磨損痕跡,故此好多古生物學家認為恐狼係用牙嚟咬碎骨頭。恐狼嘅上亦發現有好返晒或好返啲嘅傷痕,呢啲傷痕同現今嘅喺捕獵大型獵物(例如野牛)時所造成嘅傷痕好相似,所以亦有人認為佢哋會獵殺大型嘅獵物。

演化同絕種[編輯]

犬屬動物嘅化石紀錄顯示佢哋係喺9百萬至1千萬年前嘅中新世晚期,由北美洲細小嘅Leptocyon沿灰狐狐狸嘅分支演化出來。犬屬後來喺8百萬年前擴散至歐洲亞洲,並成為而家嘅胡狼、狐狸同嘅祖先。直至3百萬至5百萬年前,犬屬動物擴散至非洲南美洲。喺3百萬年前巴拿馬地峽嘅形成,促使佢哋闖入南美洲嘅旅程。

跟住嗰9百萬年,狼喺北美洲進行大規模嘅發展同多樣化,直至更新世中期(80萬年前),Canis ambrusteri喺南北美洲出現同分佈。後嚟佢哋喺北美洲消失,但有可能喺南美洲延續成為恐狼嘅祖先。不過亦有一啲證據顯示恐狼係由其他較細隻嘅南美洲狼演化而嚟。

更新世晚期(30萬年前),灰狼白令陸橋抵達北美洲。10萬年前,恐狼亦嘅北美洲出現。

一萬六千年前(冰河時期末),人類抵達北美洲,大部份嘅大型哺乳動物開始消失。恐狼由於冇咗主要獵物,而且跑得比其他犬屬嘅物種(如灰狼及紅狼)慢,捉唔到較靈活嘅獵物,開始焗住要食腐肉。直至一萬年前,大型哺乳動物同恐狼都絕種。不過喺阿肯色州亦有發現一啲化石,證明恐狼可能喺4000年前仍有一啲殘餘份子喺歐薩克山脈度生活。

化石紀錄[編輯]

拉布雷亞瀝青坑發現過千隻嘅恐狼頭顱骨

拉布雷亞瀝青坑裏面,恐狼嘅數目非常之多,總數超過3600隻,比所有其他嘅哺乳動物更多。由此可見,恐狼可能好似而家嘅或者咁群體獵食,並且得知當時物種喺接近絕種時所承受嘅壓力。

埃文斯維爾恐狼[編輯]

1854年夏天,當俄亥俄河嘅水位較低時,響美國印第安納州埃文斯維爾發現到恐狼嘅模式標本。呢個標本係一個化石化嘅顎骨,由Joseph Granville Norwood博士響Francis A. Linck度搵到嘅。佢將呢個標本交畀約瑟夫·萊迪(Joseph Leidy)研究,萊迪確定呢個標本屬於嘅一個已絕種物種,喺1858年發表嘅文獻中,萊迪將呢個標本命名為恐狼。[2]

Norwood博士喺交畀約瑟夫·萊迪恐狼標本嘅信中提及另有一個標本已交返Linck度,但Linck嘅1854年已經死咗,故此未能確定。呢封信同恐狼嘅模式標本現時存放喺費城自然科學院裏面。

參考[編輯]

  1. Dire Wolf. . 喺20-12-2007搵到;. 
  2. Template:Cite journal en

出面網頁[編輯]

Wikispecies-logo.svg
維基物種有資料講: