惠如樓
惠如樓（粵拼：wai6 jyu2 lau4，「如」一般唔讀成jyu4）係間廣州已經執咗笠嘅老字號茶樓，出咗名賣廣州傳統風味嘅點心。
史[編輯]
惠如樓喺1875年（光緒元年）開業，位於廣州中山五路。創辦人係陳惠如。1950年代擴建，1987年重修。1995年3月，因為要起地鐵1號綫同中山五路擴建工程，搬咗去三元里嘅廣花路（而家係三元里大道）212號嗰度。當地啲農民唔識酒樓嘅歷史意義，又消費唔到，後尾酒樓就外包出去，但喺1996年就執咗笠。剩低個招牌收入咗政府倉庫，惠如樓就咁逐漸畀街坊淡忘咗。
特色[編輯]
惠如樓出名『茶靚水滾』，亦堅持『問位點茶』，唔同茶客，茶可以分壺沖，老茶客好中意。出名嘅點心包括脯魚乾蒸燒賣、筍尖鮮蝦餃同欖仁薩騎馬。
惠如樓收尾俾譚新義收購，而佢後來開嘅茶樓，多數用『如』做名，好似西如、東如、南如、五如、三如、太如。