溥儀

好細個嘅溥儀（右）同攝政王 載灃嘅合影

溥儀

愛新覺羅溥儀（1906年2月7號—1967年10月17號），字耀之，號浩然，係大清最後一位皇帝，年號宣統。佢亦做過滿洲國皇帝。

生平

溥儀係清朝王爺愛新覺羅載灃個仔，三歲嗰陣，佢嘅二伯父清德宗（光緒皇帝）喺中南海嘅瀛台涵元殿被囚身死，溥儀就做咗皇帝，當時只有三歲。之但係冇耐發生咗辛亥革命，清朝亡國，溥儀喺經過協議之後，仍然住喺紫禁城，但冇實權。

溥儀成世人嘅皇帝身份，由始至終都係佢個包袱。1917年將軍張勳搞復辟，佢就拉咗溥儀，話清朝已經復辟。之但係只維持咗12日，溥儀被迫退位。1924年11月軍閥馮玉祥軍隊包圍咗紫禁城，溥儀被迫走人，最後喺天津隱居。

日本侵華期間，日本人拉咗溥儀到東北部嘅滿洲國做皇帝。雖然話就話皇帝，但好多事都由日本人話事，溥儀變成傀儡。到日本戰敗後，溥儀被拉到蘇聯，住咗五年再返到中國。

1950年後溥儀喺北京植物園工作。1959年俾國家主席劉少奇特赦。1967年溥儀因為有腎癌而過身，享年61歲。

家族

溥儀有一個細佬叫溥傑，娶咗日本貴族嘅女人嵯峨浩做老婆。

溥儀自己有幾個老婆，但係冇仔女。佢十六歲嗰陣，娶咗郭布羅婉容同埋額爾德特文綉做老婆，文綉喺1931年同溥儀離婚。

據傳溥儀搵咗個宗室愛新覺羅毓喦做繼承人，佢喺1997年過身。

晚清史（1840年—1911年）

大件事	清皇室重要人物	重要人物	重要組織
鴉片戰爭（1840年─1842年） 英法聯軍（1856年─1860年） 辛酉政變（1861年） 太平天國（1856年─1860年） 洋務運動（1860年代─1890年代） 中法戰爭（1883年─1885年） 中日甲午戰爭（1894年─1895年） 戊戌變法（1898年） 義和團運動（1899年－1900年） 八國聯軍之役（1900年） 清末新政（1901年─1911年） 日俄戰爭（1904年─1905年） 辛亥革命（1911年） 條約 南京條約（1842年） 天津條約（1858年） 璦琿條約（1858年） 北京條約（1860年） 中法新約（1885年） 馬關條約（1895年） 辛丑條約（1901年）	皇帝 道光（在位：1820年—1850年） 咸豐（在位：1850年—1861年） 同治（在位：1861年—1874年） 光緒（在位：1874年—1908年） 宣統（在位：1908年—1911年） 皇室 慈安太后 慈禧太后 奕訢 奕劻 溥儁 載漪 載勳 珍妃 載灃 隆裕太后	林則徐 馮桂芬 僧格林沁 曾國藩 李鴻章 左宗棠 翁同龢 張之洞 袁世凱 維新派 康有為 梁啟超 譚嗣同 戊戌六君子 太平天國 洪秀全 楊秀清 石達開 革命黨 孫文 黃興 秋瑾	軍事 綠營 湘軍 淮軍 北洋水師 新軍 捻軍 黑旗軍 政府 總理衙門 同文館 江南製造局 其他 強學會 同盟會 興中會 光復會