或然率

出自維基百科,自由嘅百科全書
跳去: 定向搵嘢

或然率,又叫機會率概率機率,係一樣發生、出現嘅可能程度,可以數學嘅百份比寫出嚟,係個冧巴,介乎 0 同 1 之間。或然率係 0 表示件事幾乎唔會發生,呢個時候,相應嘅事件叫做唔可能事件;而或然率係 1 表示件事幾乎一定會發生,相應嘅事件叫做必然事件。16世紀,卡丹奴喺佢嘅著作 Liber de Ludo Aleae 中最早推算或然率,而最早有系統研究或然率嘅,就係法國數學家費馬帕斯卡

例子[編輯]

例如有5個箱,其中一個箱有10個1-10號嘅波,抽中1號波就中獎。噉先揀中有波個箱嘅機會係1/5,之後抽中1號波嘅機會就係1/10,於是總機率係 1/5×1/10 = 1/50。

又例如有兩個箱,每個都有1-10號嘅波,而你可以每個箱抽一次。噉中獎機率就係 1/10+9/10×1/10=19%。