戥穿石

出自維基百科,自由嘅百科全書
跳去: 定向搵嘢

戥穿石喺一場婚禮裏便,除咗伴郎之外,係一班陪住新郎,幫新郎打點嘅男人。因為戥讀鄧,所以亦都有人寫做鄧村石鄧穿石。亦有人考訂寫做幐豬石

戥穿石通常係新郎哥老死,好好朋友,又或者係親戚來。其中一個最熟嘅就做伴郎。

個名起源[編輯]

戥穿石據考據,係由戥豬石而來。仔拎去市集買,都會用擔挑。豬仔就響擔挑一邊籃,而另一邊呢,就放響舊咁上下重嘅石來戥返勻兩邊重量。所以呢舊就叫做戥豬石。因為呢舊石只係用來陪豬運出去買,所以啲就變成陪襯,豬買完就無利用價值,可以掉得。後尾講講下就由戥豬石變成戥穿石,意思係陪襯咁解。

因為新郎娶老婆都要人陪住,呢班人就叫做戥穿石,上下打點,飲完酒後就無用,所以畀人比喻做戥穿石。

做嘅嘢[編輯]

唐人[編輯]

戥穿石係來幫手同新郎搞婚禮,同新娘姊妹夾手。婚禮開始幫手接新婚。婚宴幫手接待安排賓客。有時亦都幫手主持婚宴。

英式[編輯]

英文戥穿石叫Groomsman。戥穿石幫伴郎手搞夜晚個派對,行禮幫手帶位,陪姊妹行敎堂同接待。有時亦都同伴郎做婚禮短講。同伴娘或者單身女賓客跳舞。

軍官婚禮就會有隊揸劍做戥穿石呢個角式。呢班戥穿石通常係同一班一齊同事嘅軍人,同軍官好好朋友嘅。佢哋會響劍做成栱門,畀新人同賓客行過。

出面網頁[編輯]