戴思聰（1939年—2010年7月18號），原名戴斯聰，係聲樂先生，1962年來香港，喺邵氏做過幕後代唱；後嚟去日本學音樂，返港後1976年開始教唱歌，第一名學生係張明敏。八九十年代培育出多位天皇天后巨星，包括王菲、黎明、劉德華、梅艷芳等，被譽為「香港樂壇教父」。佢收尾幾年，同學生陳曉東、鄭嘉穎因合約糾紛，又被叫做「樂壇吸血鬼」。
2010年7月17號戴思聰凌晨心臟病發昏迷，家人即刻叫十字車送入律敦治醫院，其間心臟兩度停頓。經過33個鐘搶救，18號上晝8點35分因急性冠心病引發併發症終告不治，終年70。
屋企人[編輯]
老婆係許梅德，佢兩個女戴蘊慧（又名戴真真）同戴辛尉（原名戴蘊詩，又名戴葳葳）都係歌手。
