扯旗

扯旗（Erection），又叫做偷柴，學名叫勃起，即係賓舟充血變硬同埋變長嘅生理反應。

語源

由於嗰時賓舟睇落好似旗杆俾人拉起或者扯起咁樣，所以俗語入面被稱為扯旗。

至於偷柴，係由於當偷咗一碌柴嘅時候塞入褲管，條褲嘅拉鏈位置會向上凸起，比喻賓舟喺着咗褲嗰陣扯旗，而賓舟扯旗嘅形狀就現形喺褲檔上面。

生理

當男人受性刺激，賓舟入面海綿體嘅靜脈血管充血，賓舟就會扯起（或者勃起），呢個狀態人稱「扯旗」，噉賓舟先可以插入女人嘅陰道入面，以便性交。

目的

大部份嘅性行為都需要男性扯旗先做到，例如性交、自慰、口交…而扯旗同時亦代表有性興奮。由於有性興奮先可以達到性高潮，然後射精，所以要射精就要先扯旗。不過有部份人可以唔扯旗都射到精，但少之又少。