拉丁話

拉丁話（Lingua latīna）係印歐語系嘅一種話。由古羅馬嗰陣到18世紀，佢係成個歐洲嘅共通話。

起源

拉丁話，原本係喺而家意大利半島上便，一個小地方拉蒂姆裏面，古代拉丁人嘅話。拉丁人之中一班人起咗個城市叫做羅馬。 後尾，由於喺嗰個地方興起嘅羅馬共和國同埋羅馬帝國統治晒成個地中海地區，因此拉丁話成為咗成個地區共通話。羅馬帝國雖然喺公元5世紀滅亡，但係之後喺歐洲有好大影響力嘅羅馬天主教會，都將拉丁話作為佢嘅官方話。因此成個中世紀同埋之後到18世紀，成個歐洲嘅上層人士亦都用拉丁話交流。而家，雖然淨得梵蒂岡一國仍然用拉丁話，但係好多時候，好似生物學入便，一啲生物名都有用拉丁文做字。

印歐語系入便嘅一個大語族－－羅曼語族，亦都係嚟自拉丁話。

拉丁話主要係用拉丁字母寫。