拿鐵斯

出自維基百科,自由嘅百科全書
跳去: 定向搵嘢
拿鐵斯
Le Tissier
個人資料
羅馬字全名 馬菲.拿鐵斯
花名 神(Tiss, Le God
生日 1968年10月14號(46歲)
出生地 Flag of England.svg 英倫根西島
身高 1.86米
位置 進攻中場
球會資料
而家效力 已退役
青年軍
球會
1985-86 修咸頓
球會
球會 上陣(入波)
1986-2002 修咸頓 540 (209)
代表隊
代表隊 上陣(入波)
1995-97 英格蘭足球代表隊 8 (0)

拿鐵斯Matthew Le Tissier1968年10月14號—)係前英格蘭足球員,打進攻中場或者前鋒。佢由1986年出道至到2002年掛靴都係效力英格蘭球會修咸頓

球員生涯[編輯]

1987年,拿鐵斯第一次被國家隊徵召,入選英格蘭足球U-20歲以下代表隊,不過就因為足踝扭傷而錯過未有隨隊到巴西集訓。由於拿鐵斯多數為英格蘭B隊上陣居多,所以佢實際上無乜踢過英格蘭U-21歲代表隊,而佢首次幫英格蘭B隊上陣係1990年3月作客愛爾蘭嘅一場友誼賽,但以1比4大敗。

1994年3月,佢首次幫英格蘭足球代表隊溫布萊球場1比0贏丹麥嘅友誼賽中上陣,喺67分鐘以後備身份入替加斯居尼,取得A級國際賽嘅首頂喼帽。

1994年10月,佢取得國家隊第4頂喼帽,喺主場1比1打和羅馬尼亞嘅友誼賽中首次正選上陣並踢足全場。

拿鐵斯最後一次為國家隊披甲係喺1997年2月,佢以正選身份上陣,但英格蘭喺呢場1998年世界盃外圍賽中主場以0比1輸咗畀意大利

喺球員生涯中,拿鐵斯先後10次大演帽子戲法,最先一次係喺1987年3月主場對李斯特城,而最後一次就係喺1998年4月,英格蘭B隊喺Loftus Road友賽以4比1大勝俄羅斯B隊時取得。

1994到95球季,修咸頓作客2比3輸畀布力般流浪場波,拿鐵斯喺78分鐘離門四十碼射破對方門將科亞斯嘅入波,被英國廣播公司選為嗰季嘅最佳入球。

由於持續受到傷患困擾,拿鐵斯喺2002年宣佈掛靴,結束16年職業足球生涯。

掛靴後[編輯]

拿鐵斯掛靴之後,受到前球會隊友大衛鍾斯嘅邀請,曾經短暫效力過一支非聯賽球隊Eastleigh F.C,除此之外,佢亦有參與一啲沙灘足球比賽、擔任母會修咸頓嘅足球大使等。而由2005年開始,拿鐵斯每個禮拜為英國天空電視嘅足球節目Soccer Saturday擔任專業評述員。2009年8月,拿鐵斯推出名為Taking Le Tiss嘅自傳,序言由佢前修咸頓拍擋舒利亞幫佢寫。

代表隊上陣記錄[編輯]

# 日期 地點 對手 上陣時間 比數 賽事
1 1994年3月9日 溫布萊球場 丹麥 67分鐘後備入替 1-0 友誼賽
2 1994年5月17日 溫布萊球場 希臘 62分鐘後備入替 5-0 友誼賽
3 1994年5月22日 溫布萊球場 挪威 77分鐘後備入替 0-0 友誼賽
4 1994年10月12日 溫布萊球場 羅馬尼亞 全場 1-1 友誼賽
5 1994年11月16日 溫布萊球場 尼日利亞 78分鐘後備入替 1-0 友誼賽
6 1995年2月15日 蘭斯當路球場.都柏林 愛爾蘭 正選,但比賽至27分鐘腰斬 0-1 友誼賽
7 1996年9月1日 共和黨球場.基什尼奧夫 摩爾多亞 81分鐘後備入替 3-0 1998年世界盃外圍賽
8 1997年2月12日 溫布萊球場 意大利 61分鐘被換出 0-1 1998年世界盃外圍賽

語錄[編輯]

  • 西班牙國家隊及巴塞隆拿中場猛將沙維曾經講過,自己以慢打快、從容不迫嘅踢法係深受拿鐵斯影響。沙維笑言最欣賞拿鐵斯嘅「慢」:「我細個最鍾意就係拿鐵斯,我每周都會睇實電視嘅精華片段,唔會錯過佢每一個經典入波。佢有出色天份,但踢法有別傳統,佢可以用行路嘅速度,『行』過7、8名對方守將。想當年我未夠10歲,已經視佢為我偶像。」
  • 傑斯曾經喺1997至98球季對拿鐵斯有過以下評價︰「拿鐵斯始終係好難應付,因為你永遠估唔到佢下一步會點做。佢會出乎意料咁喺任何角度、距離而突然起腳,至於佢速度上嘅欠缺,佢早已用佢嘅想像力作出補償。佢顯然係比依家大多數球員具備更高嘅天份。」
  • 阿仙奴領隊雲加曾經咁形容過拿鐵斯︰「我認為後生時嘅拿鐵斯踢法有啲似柏天尼,佢可以喺適當嘅時候作出傳送,而臨門一腳亦同樣出色。」
  • 利物浦傳奇射手魯殊對拿鐵斯有過以下評語︰「我敢言,如果拿鐵斯效力嘅係頂級球會,佢會係英格蘭國家隊嘅必然正選!」

其他[編輯]

  • 1999年6月,澳洲運動場上演由國際足協明星隊對澳洲足球代表隊嘅友賽,以慶祝該運動場正式開幕,不過由於賽前明星隊嘅利比利亞前鋒韋亞因家事臨時退出,因此正值喺澳洲渡緊假嘅拿鐵斯獲補選入伍,並喺下半場78分鐘上陣,最終球隊以2比3輸波。

榮譽[編輯]

  • 巴克萊幼鷹獎.最佳青年球員 1990
  • 英格蘭職業球員工會.最佳青年球員 1990
  • 修咸頓年度最佳球員 1990、1994、1995
  • 英格蘭足總會員盃亞軍 1992

出面網頁[編輯]