持續進修基金

持續進修基金係香港政府成立嘅一個基金，用嚟資助成年人進修。基金喺2002年成立，獲撥款50億港元，為有志進修嘅成年人提供資助，畀佢哋持續進修同埋接受培訓。合資格嘅申請人可以就多過一個認可課程申領發還款項。認可課程名單入便包括物流業、商業服務、金融服務業、旅遊業、設計、創意工業、語文、工作間嘅人際關係同埋個人才能嘅課程等等。

每個合資格嘅人^[1]一世人可以向政府申請一次。申請之後嘅四年之內，申請人讀完認可課程或者嗰尐課程嘅部份單元之後，就可以攞返80%學費，或者10,000港元學費，以金額小嘅為準。如果過咗四年時限又或者累積用完10,000緡資助，個file就會close嘞。

最初係得非學位持有人先至可以申請持續進修基金。後來到咗2003年7月宣佈放寬資格^[2]^[3]，9月1號實施。