提摩太前書

出自維基百科,自由嘅百科全書

提摩太前書希臘文Προς Τιμόθεον Α΄)係新約聖經嘅其中一卷。呢本書係使徒保羅寫畀提摩太嘅第一封信,亦都係呢本書叫呢名嘅原因。由於提摩太前書、提摩太後書提多書呢三卷聖經嘅對象係教會牧者,因此亦叫做教牧書信(Pastoral Letters)。

簡介[編輯]

作者:保羅
日期:63年秋天
地點:馬其頓嘅腓立比
收信人:提摩太

提摩太係喺亞細亞一個青年基督徒,佢嘅阿媽係猶太人,阿爸係希利尼人。喺保羅傳道工作上,提摩太成為佢嘅同工同助手。保羅寫提摩太前書嘅主要內容有三點:

  1. 警告教會要提防錯誤嘅教義。呢種教義混合猶太同非猶太嘅思想,相信物質世界係邪惡嘅,人要得到拯救一定要依靠特別嘅隱秘知識,同實行禁戒某啲食物同守獨身。
  2. 對教會行政同崇拜秩序嘅指示,討論教會領袖同助手應有嘅品德。
  3. 指導提摩太點樣做基督忠心嘅僕人,對各種唔同嘅信徒盡勸戒教導嘅責任。

提要[編輯]

  1. 序言(1章1-2節)
  2. 對教會同教會領袖嘅指示(1章3節-3章16節)
  3. 指導提摩太點樣做忠心嘅工人(4章1節-6章21節)