揚州

揚州，又做楊州，喺中國江蘇，家下係地級市，叫揚州市。

古代來講，九州之中嘅揚州，同家下行政上嘅揚州，係唔同嘅地方。個名經過好多改變，先變成家下講嘅江蘇揚州。

歷史

揚州因為係喺長江下游，古時叫江南，所以喺唐朝之後就開始發達。隋朝嗰陣起咗京杭大運河，流經咗揚州。自此揚州就成為江南經濟最發達嘅地方。明清嗰陣，運送北京嘅物資，差唔多都經揚州。直到十九世紀末，江南物資改為經上海送到北京，後尾起鐵路，但經上海唔經揚州，結果揚州經濟就一落千丈。

地理

全市總面積6634平方公里，市轄區總面積980平方公里，全市總人口459萬，其中市轄區人口118萬人。

詩歌

揚州經常被用作詩句嘅題材：

• 故人西辭黃鶴樓，煙花三月下揚州
• 天下三分明月夜，二分無賴是揚州（揚州素有「月亮城」之稱）
• 春風十裏揚州路，卷上珠簾總不如
• 二十四橋明月夜，玉人何處教吹簫
• 十年一覺揚州夢，贏得青樓薄幸名
• 腰纏十萬貫，騎鶴下揚州