揦鮓

揦鮓^[1]或藞䕢（讀 laa⁵zaa²）意思係唔乾淨、唔衞生。例如「地方藞䕢」，「使揦鮓手段」，辭意可以伸延到形而上嘅嘢，好似話，「呢度有揦鮓嘢」。

寫法 [編輯]

一本成百年前由晚清舉人詹憲慈寫成嘅《廣州語本字》，之中呢兩個可能嘅辭：【𢅭𢄌】^[2]（卷十六）同【土苴】（卷四）。「土苴」出於《莊子》讓王: 「故曰：道之真以治身，其緒餘以為國家，其土苴以治天下。」，詹憲慈指出「土苴」即係「糞草」。亦可以寫成【揦苴】^[3]，之不過，只講衞生上唔乾淨。

亦有人用【嗱喳】純粹標音方法嚟寫。其他通俗、流行嘅寫法有：喇咋、哪渣。

香港有一種地度嘅麪食，叫做藞䕢麪。