撚

「撚」（讀音：nan²），呢度係講粵語粗口嘅解釋，係一個借用嘅諧音字。

呢個字原本讀作nan2，係解作把玩、捏取、搓弄之類嘅動作，有所謂「撚手小菜」、「撚雀」（嗜好係養雀鳥），而講粗口時就讀做lan2，係指男性嘅性器官：賓舟。

呢個音嘅古時正字係「𡳞」（「尸」字下面加個「粦」），而現今嘅俗寫係「門」字入面加個「能」＜𨶙＞。

廣東話粗口入面，「撚」字同「」字嘅主要意思係相通嘅。

• 作名詞用，「陽具」嘅意思，量詞係「條」或者「碌」。例子：

1. 大家男兒一條撚（大家男性都係一條陽具。）
2. 你知唔知日本某個縣入面每年都有個陽具祭？過節嗰日呀，班男村民重會托住好大碌木造嘅撚出嚟遊行慶祝添喎，幾得意呀！

• 語氣助詞，本身冇意思，用作加強語氣。例子：

1. 玩撚完！（一切都完嘞、冇嘞，或者失敗咗；係取材自打機嘅「遊戲完咗」，Game Over）
2. 你頭先拍我膊頭做乜撚嘢呀我屌你老母！（呢句說話係摘自巴士阿叔事件片段裏面嘅其中一段。句中嘅「做乜撚嘢」照字面咁睇，可以解釋為問某人做乜搓弄、玩弄一啲物件，但呢度作為粗口嘅助詞就變咗冇實質意思，只係用嚟加強語氣。從呢句說話之中，其實係可以感受到當時個巴士阿叔嘅怒意係幾咁重。）

作為語氣助詞，「撚」嘅用法同「」、「閪」及「」字相同，不過可能順口嘅關係，用佢嚟做加強語氣嘅頻率可以話係最多；佢同樣可以作為顛倒句子嘅意思。

文法

就「撚」字嘅應用方式嚟講，同「鳩」一樣其實都係指陽具，但喺深層意義嚟講就有多少唔同：「撚」係指未扯旗軟軟哋嘅陽具，而「」就指扯咗旗硬硬嘅陽具，不過因為日常講粗口嘅時候都唔會去太過深究，但求順手拈來即時產生效果，所以就索性劃一咁解釋。

至於「撚」字（或者「鳩」、「閪」、「」字），唔似得「屌」字咁可以喺日常單獨咁使用，即係話好少有人會喺冇上文下理嘅情況下單單講個「撚」字，因為咁樣係冇意思嘅，除非有人用佢嚟當人名咁稱呼人就唔同講法。

「撚」作名詞用嘅其它例子

1. 好大碌撚（好大條嘅陽具。）
2. 索女含撚好難忍（靚嘅女性含住條陽具，嗰種快感令人好難忍受。）
3. 關你撚事（等於：「關你咩事？／同你條陽具有關咩？」，等同普通話嘅「干你鳥事」（鳥喺中國人圈子入面可以暗喻為陽具）；而呢個詞語入面嘅「撚」字係可以同「鳩」、「閪」同埋「」互相交換嚟用）

「撚」字單單咁用係指陽具，因為咁，佢亦可以同其它字詞去組成關於陽具嘅嘢，好似：

1. 撚頭（即係龜頭。）
2. 撚皮（即係包住龜頭嘅包皮。）
3. 撚屎（即係喺陽具捽出嚟嘅老泥。）
4. 用喺指其它動物嘅陽具，好似「狗撚」、「馬撚」、「牛撚」…等。

「撚」作助語詞用嘅其它例子 1：一般用法

「撚」字之所以最多人用，係因為佢用作詞氣助詞嘅時候係好易上口、最能填補句子嘅空隙。作為語氣助詞，通常會放喺句子嘅形容詞、動詞同埋名詞前面（不過就極少會放喺一句話嘅最前頭），用嚟加強句子嘅語氣，例子：

• 擺喺形容詞前面：

1. 條友好過癮　→　條友好撚過癮（嗰個人好有趣。「過癮」係形容詞。）
2. 好好玩呀！？　→　好撚好玩呀！？（好好玩咩？「好玩」係形容詞。）
3. 好屌呀！　→　好撚屌呀！（好屌「屌」係形容詞。）

• 擺喺名詞前面：

1. 食屎　→　食撚屎（呢度嘅「屎」係指排泄物，名詞。）
2. 呢啲係咩紙巾？　→　呢啲係咩撚紙巾？（「紙巾」係名詞。可能啲紙巾一拉出嚟就爛，所以發脾氣咁講。）
3. 行運　→　行撚運（「運」，運氣，係名詞。即係話人行埋啲狗屎運，好似好好彩咁嘅意思。）

• 擺喺動詞前面：

1. 唔食　→　唔撚食（「食」係動詞。）
2. 你咪行住　→　你咪撚行住（「行」係動詞。）

「撚」作助語詞用嘅其它例子 2：顛倒用法

另外「撚」字加入一句句子入面，係可以令到嗰句嘢變咗相反嘅意思，用法同「語氣助詞」差唔多。例子：

• 有用　→　有撚用（變咗「冇用」嘅意思。）　
• 係　→　係撚（變咗「唔係」嘅意思。呢個係特別嘅例子，因為作為語氣助詞，撚字好少會放喺句尾。）
• 有飯食　→　有撚飯食！（變咗「冇飯食！／邊有飯食！」嘅意思。）

「撚」作助語詞用嘅其它例子 3：重點罷位

重有，將「撚」字夾雜入一句句子嘅唔同位置，係可以表達出唔同嘅重點，例子：

• 「好想搞大佢嚟玩！」（好想將件事搞大；有要睇吓其他人點樣收拾嘅意味。）

→　好撚想搞大佢嚟玩！（呢個係比較正常嘅講法，重點係在於「好想」。）

→　好想搞撚大佢嚟玩！（重點在於「搞大佢」。）

→　好撚想搞撚大佢嚟玩！（略嫌累贅，但係就加強咗「好想搞大佢」嘅決心。）

• 「唔係咁化學下話？」（用緊一樣嘢，點知估唔到咁快就壞咗、爛咗〔化學〕，感到好嬲同失望嘅感嘆。）

→　唔撚係咁化學下話？（重點係反問，帶有責怪件嘢嘅生產商方面嘅意味。可能件嘢係假貨，用兩吓就壞咗。）

→　唔係咁撚化學下話？（重點係引致損壞呢件事，有「點解會壞」嘅責問。可能喺用法方面已經依足說明書，或者喺正常嘅情況之下都竟然出問題而壞咗。）

→　唔係咁化撚學下話？（重點係在於件嘢損壞嘅情況，有「可以咁壞法？」嘅意味。可能喺旺角女人街係買咗隻行針錶返嚟，點知戴咗冇幾耐入面啲指針就甩晒出嚟。）

→　唔撚係咁撚化撚學下話？（呢句嬲嘅語氣可以話非常之明顯。可能講嘅呢個人佢用咗幾百蚊喺女人街買咗隻假嘅勞力士錶，諗住好好哋都可以用嚟扮吓三幾年闊佬，點知戴咗幾日啲指針同個皇冠都甩晒出嚟，情況超乎想像咁離譜，於是百感交集咁講。）

常見嘅單獨字句應用

• 含撚　用口含住陽具，係一個動作；但係用嚟侮辱人哋嘅多，包括埋同性。例如：叫你搬少少嘢都嗌重，唉你含撚啦！（要注意，因為語帶侮辱，千祈唔好同老婆或者女朋友講：「老婆／打令，我想妳幫我含撚～」，咁樣講係帶有好重嘅覺得人低賤嘅語氣，係好唔尊重對方嘅表達。）
• 撚樣　好似陽具咁嘅樣。用嚟鬧人，尤其係指男性。视频解析
• 懵撚　傻更更成日撞板嘅人。意思比較粗俗，又係鬧人用。
• 把撚　用手扶住陽具。多數形容一件事冇意思，或者係冇成功率。例句：佢整壞你部腦，你鬧我把撚呀？（係佢整壞你部電腦，你鬧我做咩呀？）
• 唔撚化　思想守舊古板，唔開化。
• 撚就　呢個用「撚」字擺前頭嘅助詞，其實係來自「罷撚就」，同義詞係「算撚數」，即係由得你、隨便你嘅意思，只不過啲人將佢簡化咁講，並唔屬於將個「撚」字擺頭嚟助語嘅例子。

相關連結

• 廣東話粗口研究網