擁躉

出自維基百科,自由嘅百科全書
擁躉犀利光搞氣氛

擁躉英文Fanatics,簡稱「Fans」或者「Fan」,香港人多數講成 fan 士fen1 si2大陸人臺灣人就多數講「粉絲」)係好迷好擁護啲偶像、球隊、或者事嘅,即好「狂熱」嘅支持者。

成因同價值[編輯]

俾人擁載嘅人,會稱佢哋為偶像;偶像通常會係一啲歷史人物、舉世名人、組織/國家領導人、知名藝人……等等。亦有人會因應佢自己體會到嘅行為價值,而封個別嘅人做佢嘅偶像。可以咁講,能夠成為偶像嘅人,佢本身一定係有啲值得人欣賞、尊敬同欽佩嘅地方。

除咗人會被擁載之外,其他嘢都可以有擁躉,好似足球籃球隊,支持者不斷咁喺場邊打氣,激起隊波嘅鬥志,去贏波,又可以幫手睇;所以有人會話,擁躉就好似第十二個球員。

同義[編輯]

擁躉嘅出現係因為佢哋對一啲人物或事情產生着迷、傾慕嘅精神情緒,所以亦有用嗰樣被擁載嘅之後加個「迷」字嚟形容呢班擁躉,好似:迷、迷、迷、迷…等。

發燒友亦有類似意思。

形態及影響[編輯]

擁躉可以有好多唔同嘅層次,有所謂「普通擁躉」,亦有俗稱「狂迷」嘅瘋狂擁躉,呢啲稱呼似乎可以代表擁載行為嘅唔同程度。

不過有個別嘅激進擁躉會用非理性嘅態度去表現自己,有啲係希望得到偶像嘅注意,可能只係想偶像望自己一眼,握一握,將精神情緒推到瘋狂嘅極限,做出完全喪失理智嘅行為;有啲就為咗支時自己偶像而同其他唔同路嘅擁躉鬧交,甚至打起上嚟,最後變成大禍收場。

1983年,當時香港南華足球隊因為喺香港甲組足球聯賽嘅排名好低,最後要面對喺第二年降班到乙組比賽嘅命運,但呢件事就令到一眾擁護南華嘅球迷十分鼓燥,最後演變成香港史上嘅一次大暴動。而喺一啲足球狂熱嘅國家,因為球迷爭執變成大騷亂、大暴動,最後釀成嘅事亦間唔中都會發生[未記出處或冇根據]

至於時下青少年喺追捧偶像嘅態度上亦似乎變得比以前盲目,有啲只得三分鐘熱度經常轉換偶像,只會人云亦云;而有啲更加用咗好多本來應該工作或者學習嘅時間嚟追星(呢班人被稱為追星族),除咗浪費大量時間同金錢之外,亦可能影響本身同影響埋偶像嘅日常生活,甚至影響自己嘅前途[未記出處或冇根據]

商機[編輯]

睇埋[編輯]