政令指定都市

出自維基百科,自由嘅百科全書
跳去: 定向搵嘢
政令指定都市(2013年)

政令指定都市粵讀:zing3 ling6 zi2 ding6 dou1 si5日文政令指定都市(せいれいしていとし Seirei Shitei Toshi))係據日本《地方自治法》第12章第1節第252條19款第1項嘅規定所設立嘅。雖然喺《地方自治法》寫做指定都市,不過因為佢係一種特殊政區,所以一般嗌做「政令指定都市」。此外可以省略做政令市指定市

喺行政上,呢啲指定市其實係屬都道縣府,只不過佢哋嘅自治權會好大,大到有好多方面尤其市政、民政呢啲上一級係干涉唔到佢,因為啲權都下放咗畀佢,同時呢啲市係有下面嘅轄區(市轄區),反而一般嘅日本城市係無劃區個喎。呢啲市轄區都會設事務所,個所長都係由市長委任。

同中國城市比較嘅話,佢哋比較似副省級市,規模上都係大城市,政區層級上佢哋都一樣受省級(一級政區)管轄、都係二級政區,而權限上就接近省級(所謂副省級)。之所以話唔似直轄市,係因為直轄市喺政區層級上屬於省級政區,直接畀中央管,而副省級市係地級政區,同中央之間隔咗一層省,而政令市亦都係噉。

指定條件[編輯]

政令指定都市唔係話設就設嘅,最起碼要對得住個城市規模、重有政府行政管理能力。喺《地方自治法》入面規定人口要50萬以上,但實際個要求係100萬打上,或者退一步,閒閒哋80萬以上,點都要話可能將來超過100萬噉先得。不過有咗條件,亦唔係話升就升,有個審批覆核嘅。