救生水泡

出自維基百科,自由嘅百科全書
跳去: 定向搵嘢
水泡

救生水泡,又叫做救生圈,係水上救生必需品,係一個會浮嚮水面嘅圓圈,畀浸親嘅人支援,避免浸死。救生設備完善嘅海灘游水池輪船上面一定有。

發展史[編輯]

講話救生水泡嘅歷史,其實早就喺2000——3000年前嘅中國就有呢筍嘢玩啦。其實佢之前就係乾咗嘅葫蘆瓜。而《易經》同《詩經》就記低咗同「葫蘆瓜」有關嘅記載[1]聞一多先生就將《易經》同《詩經》入面嗰句翻譯咗成「葉拍咗,葫蘆都乾咗,可以揀佢嚟做腰舟喇。」。而家所謂《易經》同《詩經》入面嗰句就係「抱住又爛又乾嘅葫蘆瓜就可以將個身浮喺水面度唔會浸死」噉解。啫係話葫蘆瓜就係最早嘅救生設備。後嚟喺海度行緊嘅船,大多數都係帶住嚿葫蘆瓜,費事話部船失事。就係噉,古代嘅中國人民就係用咗乾嘅葫蘆瓜嚟撐過河嘅,佢就係最早嘅救生水泡喇。

到咗宋朝嗰陣,整救生水泡嘅技術進步咗,有人開始用軟木料同蘆葦等整成個好似個噉嘅嘢畀人捐入去,用個環嚟托住個身,用咗呢種環形嘅救生水泡,重方便過葫蘆瓜成幾百倍,所以就變咗名副其實嘅救生水泡喇,宋代啲人話佢係「浮環」。[2]

後來隨住用咗新技術同新材料,好多救生設備就出咗嚟。但救生圈重俾人一直用到而家,佢重係簡便嘅救生工具。

用途[編輯]

游水池用嘅救生水泡

游水池[編輯]

內文: 游水泡

喺游水池度嘅救生圈,就係畀啲唔識游水嘅人嚟用佢,佢可以唔畀啲人就噉沉咗落去。尤其係救生員度係必須要有嘅,佢哋唔想喺有人搞咗溺水就冇得救。

航海[編輯]

喺航海嗰陣,嗰啲海事員重將啲救生圈放喺輪船嘅甲板度比較明顯嗰邊,重喺救生圈度油咗兩種顏色,有啲比較高級嘅救生圈度重裝咗有自己識發光嘅浮燈響度,噉唔理佢喺日頭定係晚黑,都好易睇到跌咗落水嘅人喺邊個位度跌咗落去,噉救援船就可以跟住個標記迅速去到出事地嚟救返跌咗落水嘅人。

其它[編輯]

水泡除咗救生之外,重可以畀痔瘡病人當凳坐。

睇埋[編輯]

連出去[編輯]

[編輯]

  1. 《易經》入面講嘅:「包荒,用馮河。」,《詩經》入面講嘅的「有苦葉,濟有深涉。」。
  2. 根據《宋稗類抄》入面講嘅:宋代抗金名將韓世忠就派咗位部將——王權去金山度打死啲敵人,喺出發之前,韓世忠命令咗佢冇用船嚟過江,因為敵人喺度睺住嗮。結果王權向每位土兵發咗個用軟木嚟整嘅圓浮環嚟綁喺個腰度過河。結果士兵因為接受咗王權嘅命令,啲金人冚唪唥都唔知士兵點解會凈雞雞噉過咗江就輸咗畀佢。嗰時,王權用緊嘅浮環就係最早嘅現代救生圈。