文化大革命

出自維基百科,自由嘅百科全書
跳去: 定向搵嘢

無產階級文化大革命,簡稱文化大革命文革,係指喺1966年5月一路到1976年10月嗰陣喺中國入面,由中共阿頭毛澤東帶頭搞出嚟嘅一場政治運動,通常以三個階段理解,第一階段即係喺1966年5月中央政治局擴大會議8月嘅第八屆十一中全會通過發動「文化大革命」,同時通過《五.一六通知》同《關於無產階級文化革命的決定》開始咗文革。到第二階段,即係喺1969年4月中國共產黨第九次全國代表大會召開之後,開始咗一場全國性「鬥、批、改」運動,連前國家主席劉少奇,元帥彭德懷賀龍等等都俾人迫害至死。

1971年,毛澤東嘅接班人林彪墜機死咗之後,令文革降溫,1973年8月江青張春橋姚文元王洪文中央政治局組成「四人幫」,展開「批林批孔」運動。到1976年1月8號總理周恩來死咗,全國人民自發嘅悼念活動演變成反四人幫群眾運動。一路到1976年9月9號毛澤東死咗之後,由華國鋒葉劍英李先念為核心嘅中央政治局打擊四人幫,四人幫倒台之後,華國鋒正式做咗毛澤東接班人,出任中共中央主席(黨主席)。1977年8月中國共產黨第十一次全國代表大會正式宣佈文化大革命結束[1]

文革期間,對全中國造成翻天覆地嘅破壞同損失,所以又有人叫呢場文革做「十年浩劫」。

背景[編輯]

海瑞罷官[編輯]

內文: 海瑞罷官

針對幹部唔敢講真話呢個問題,毛澤東1959年4月,提倡要學海瑞「剛正不阿,直言敢諫」呢種精神。明史專家吳晗就喺6月發表咗《海瑞罵皇帝》、《論海瑞》、《海瑞罷官》等文章同劇本。1965年11月10號,上海《文匯報》登咗江青張春橋策劃,姚文元寫嘅一篇文章:《評新編歷史劇〈海瑞罷官〉》,將《海瑞罷官》入面寫嘅「退田」、「平冤獄」同「單幹風」、「翻案風」拉埋一齊講。1966年4月,《人民日報》、《紅旗》雜誌先後登咗《〈海瑞罵皇帝〉和〈海瑞罷官〉的反動實質》、《〈海瑞罵皇帝〉和〈海瑞罷官〉是反黨反社會主義的大毒草》呢啲文。將皇帝罷咗海瑞個官,同廬山會議上撤消彭德懷職務拉埋一齊講,各界開始「揭蓋子」批判《海瑞罷官》,成為發動「文化大革命」導火線[2]

影響[編輯]

文化大革命係一場中國嘅內戰,令中國無論喺政治、經濟、文化、思想同社會等方面,都有好大嘅改變,成為咗重要嘅轉捩點。佢嘅影響大致可劃分為以下幾項:

政治方面[編輯]

毛澤東重新掌權

1959年大躍進失敗,毛澤東喺壓力下退居二線,喺鄧小平提議下,由原本黨副主席兼人大委員長劉少奇繼任國家主席,不過毛澤東繼續擔任中共中央主席中央軍委主席兩大要職。

之後中央權力就由國家主席劉少奇、書記處總書記鄧小平同總理周恩來掌控,但係毛澤東一直想攞返個大權,加上佢唔滿意劉少奇佢哋嘅經濟政策,又唔希望中國出現兩個主席(毛主席同劉主席)。打敗劉少奇之後,佢重新執政,國家主席一直冇人做,而且喺個人崇拜盛行之下,佢俾人當正神咁拜,佢講嘅任何嘢都可以令人信服。

黨政機關癱瘓

毛澤東發動文革嘅任務係要貫徹建立共產主義世界嘅理想,但係江青、林彪佢哋就要奪取成個黨、政、軍機關嘅大權。

喺佢哋嘅策劃下,大批黨同國家嘅各級幹部俾人定為「走資派」,受到整肅,有啲位高望隆嘅元老更成為打擊嘅對象,全部俾人革職或俾人殺咗。中國黨政軍機關都受到衝擊,政治機制破壞,一切嘅工作都癱瘓晒。

經濟方面[編輯]

經濟再次衰退

文革期間因為強調革命精神,稍為緩進嘅政策即刻俾人攻擊,令到啱嘅經濟建設方針同政策受到批判,合理嘅規章俾人廢棄咗。同埋由於要發動民眾鬥爭,令到工廠長期處於停工停產嘅狀態,農村動亂到爆,生產效率降低,物資短缺。人民嘅經濟因為咁受到嚴重嘅損害。

文化方面[編輯]

文學作品、學術權威、古建築受到攻擊

文革嘅發動係以批判文藝作品為起點,〈海瑞罷官〉呢套劇嘅作者吳唅俾人批倒之後,好多學術界人士因為同佢辯護而俾人話係「反革命」。自此之後好多有才能同成就嘅知識分子,都俾人話係「反動學術權威」而受到鬥爭。

以江青為首嘅中央文化革命小組對文學藝術實行專制政策,好多優秀嘅作品都俾人當係傳播反黨意識嘅毒草而俾人禁制。

教育方面,由於紅衛兵嘅狂熱,令到學校要停課,搞到教育工作癱瘓。重有因為好多老師都俾學生批鬥,教育質量普遍下降。

唔少中、小學生都俾人煽動去參加紅衛兵,令到學校成日處於停課嘅狀態。大學方面,亦參與鬥爭同批判,令到學術界停滯不前。

好多珍貴文物建築,例如曲阜中文曲阜孔廟中文孔廟北京頤和園都受到毀滅性嘅破壞。

思想方面[編輯]

思想界大混亂

文化大革命將毛澤東嘅思想推到去極點,大家認為毛澤東嘅思想係啱嘅,所以一定要跟住毛澤東嘅思想做嘢。

喺一系列重大理論同政策問題上,毛澤東嘅思想俾四人幫利用,混淆是非,令到中華人民共和國建國十七年以嚟所確定嘅大量方針都俾人否定。批評毛澤東嘅言論俾人完全禁制咗之後,左傾思想同極端個人主義普遍咁蔓延,造成咗思想上嘅大混亂。

社會方面[編輯]

秩序完全破壞

文革時期,社會上多數流行「革命無罪,造反有理」、「無法無天」嘅風氣,令到憲法、法律、黨章成為一紙空文,所以正常返工、生活同讀書嘅秩序都受到破壞。

而且由於毛澤東嘅個人崇拜,後生嘅紅衛兵多數認為「爹親,娘親,不如毛主席親」。因為咁樣,佢哋對自己嘅父母、師長進行批鬥,原本嘅倫理秩序就搞到亂晒。

同時間,因為當時武鬥盛行,甚至派系內戰;社會風氣敗壞,冤獄遍及全國,人民生命財產亦都冇保障。

爭議[編輯]

相關人物[編輯]

參考[編輯]

  1. 文化大革命
  2. 對新編歷史劇《海瑞罷官》的批判
  • 《「文化大革命」十年史》 嚴家其,高皋合著 ISBN 957-32-0316-2
  • 《文化大革命的起源:大躍進(1958-1960)》 河北人民出版社 1989年 ISBN 20203748

[編輯]