文德路 (廣州)
| ||||||||||||||||
| ||||||||||||||||
文德路（粵拼：man4 dak1 lou6）係廣州市越秀區一條南北走向嘅馬路。南邊從沿江中路開始，一直向北去到中山四路嗰頭。其中中間重有條文德東路嘅分岔，去到聚仁坊嗰邊。
史[編輯]
呢條馬路喺清朝嗰陣，係「廣州府學宮」東邊嘅條街，所以嗌「府學東街」。到咗民國7年（1918年）嗰陣，廣州市政府就將呢條街整闊咗，但係唔叫「府學東路」呢個名，而係攞咗馬路東邊嗰條街「文德里」個名，先至改咗「文德路」。呢個名重一路用到而今。
經過嘅道路[編輯]
呢度啲路嘅順序係從南去到北來排嘅，其中加粗咗嘅字係主幹道：
註 a: ：呢度有條嗌文德東路嘅分岔，一直去到嗰度。
特色[編輯]
呢條馬路沿路有好多古蹟響度。明朝嗰時嘅羊城八景之一，番山雲氣就係喺呢條馬路北邊。而今馬路嘅最北邊重有間城隍廟響度。條路重有好多間出名嘅書檔、古玩、文具檔。
史蹟同歷史建築[編輯]
- 南園：文德路以東、文德東路同聚仁坊以北、聚賢北街以西一帶。依家消失咗。
- 廣州留法同學會：文德路69號之一大院內，係林克明其中一個畀外國專家稱贊嘅“現代主義建築”作品。[1]
- 廣州留美同學會：文德路39號[2]，目前首層出租作餐廳，原來嘅巴洛克風格外觀已面目全非。
- 廣州留東同學會[b]：曾經喺文德路廣州市第13中學入邊，經已畀人拆咗。
- 廣州世界語學會：文德路60號，1929年由黃尊生、區聲白創立。
- 廣州大學附屬中學（1928年）：文德路19號，今日文德路小學南校區。
- 恒園：文德東路16號，原本係國民革命軍總司令部參謀長李濟深嘅官邸，1937年5月賣畀培正同學會做會所。未還。
文德路字畫文化街[編輯]
文德路字畫文化街喺唐朝同宋朝嗰時，一直係工作嘅文人雅士、社會名人嘅聚集地。而家係廣州市入面搞書畫藝術品嘅街市。
睇多啲書[編輯]
- 广东玩全攻略 （广州游-文德路字画文化街） ISBN 978-7-5495-0379-7
參考[編輯]
- ↑ 〈广州日报：八十年前广州平民也住"宫"〉. www.douban.com. 喺2024-03-06搵到.
- ↑ 〈广州欧美同学会〉. 原著喺2015年1月6號歸檔. 喺2015年8月6號搵到.