斑海豹
出自維基百科，自由嘅百科全書
 |
||||||||||||||||
|---|---|---|---|---|---|---|---|---|---|---|---|---|---|---|---|---|
 斑海豹 Phoca largha
|
||||||||||||||||
|
|
||||||||||||||||
| 物種分類 | ||||||||||||||||
|
||||||||||||||||
|
|
||||||||||||||||
| Phoca largha Pallas，1811年 |
斑海豹又叫大齒斑海豹、大齒海豹，係一種分布響西北太平洋嘅海豹。
目錄 |
[編輯] 分布
斑海豹所分布嘅西北太平洋係高緯度嘅寒冷水域，主要分布響楚科奇海、白令海、鄂霍茨克海、日本海同埋中國嘅渤海、黃海北部。
[編輯] 外形特徵
斑海豹身型成紡錘形，頭圓生有觸鬚，無外耳廓。四肢特化成鰭腳狀，趾間有蹼。雄性斑海豹身型大過雌性。啱啱出世嘅海豹BB全身有白色胎毛。
[編輯] 習性
斑海豹每年都要換毛。佢哋有洄游嘅行為，食物主要係魚類同頭足類。3年之後先到性成熟期，係屬於一夫多妻型，響每年1~3月繁殖，會響浮冰上生仔，每胎生一仔。
[編輯] 分類
響謝夫（Scheffer）1958年嘅分類系統中，將海豹屬嘅動物合併為一個種，種下再分為5個亞種，對呢個分類方法至今重有好大爭議。其中西北太平洋亞種Phoca vitulina largha響形態特徵方面同大西洋亞種有顯著差異，同太平洋東岸種好唔同，並且同其他亞種存在生殖隔離，所以認為呢個亞種應該獨立為一個種：Phoca largha。
[編輯] 繁殖動向、保育現狀
由於斑海豹係喺沿海岸線嘅環境活動，有時需要到礁石或海岸上休息、換毛，沿海環境嘅變化對佢哋生存有一定影響。例如渤海油田嘅開發令沿岸自然環境產生變化，噪音同污染物開始增加，船隻活動頻繁，呢啲都對斑海豹產生好多負面影響。
[編輯] 參考資料
- 王者茂 王丕烈著《斑海豹》 海洋出版社 1990年 ISBN 7-5027-0990-8
