新山

出自維基百科,自由嘅百科全書
跳去: 定向搵嘢
新山嘅挨晚風景

新山馬來西亞第三最大嘅城市同埋柔佛州嘅首都。佢係亞洲大陸最南嘅城市(1°29′00″N)。新山同新加坡只隔住條柔佛海峽;最窄嗰道只有大概一公里闊,就喺呢度新柔長堤同新加坡嘅兀蘭新鎮(Woodlands New Town)連埋。新山馬來文同埋英文都寫做Johor Bahru,馬來爪夷文寫做جوهر بهرو。佢嘅英文縮寫JB亦都成日有人用。

地理[編輯]

新山喺馬來西亞嘅位置

新山喺北緯1度29分,東經103度44分,海拔36.88米(121英呎)左右。1994年之後,新山做咗新山縣嘅總部。新山歸城市理事會(Majlis Bandaraya Johor Bahru)管,而佢周圍嘅地方就畀新山市政理事會(Majlis Perbandaran Johor Bahru Tengah)管。流經新山有不佬河(Sungei Tebrau)、士古代河(Sungei Skudai)、丹牙河(Sungei Danga)、士吉河(Sungei Segget)同埋馬來有河(Sungei Melayu)。

歷史[編輯]

1855年,德文公大影.怡巴鹽(Temenggong Daeng Ibrahim)建立咗新山。新山原名丹宗.布特里(Tanjung Puteri)。1866年,蘇丹阿布.八卡(Sultan Abu Bakar)將柔佛州首府,新加坡嘅德陸不蘭牙(Telok Blangah)搬來,並改其名做新山。1924年,新柔長堤落成。19世紀早期,有唐人嚟新山開發,其中來自台山嘅黃亞福,1887年到1895年之間喺度起咗好多公共設施,其中有好靚嘅蘇丹王宮。蘇丹注意到佢嘅貢獻, 叫佢留喺新山做生意。另外來自潮州嘅陳旭年(又名陳毓宜)喺1863年,作為新山嘅税收管理人,設定貿易公司,喺新山種黑兒茶同埋造黑胡椒粉。黑兒茶嘅生意慢慢發達,陳旭年同埋其他來自嘅潮州商人組成咗企業網絡“港主系統”(Kangchu system)。

1942年1月31日,征服馬來亞嘅日本軍嚟到新山,佔領新山嘅領土。個晚,英軍趁機會炸毀同新加坡連接個長提,希望咁樣做就會阻慢日本軍攻擊新加坡。佢哋喺重未攻擊新加坡嘅時候,率領日本軍嘅將軍山下奉文同均鬚丹怡巴鹽(Sultan Ibrahim)保證兩方嘅友好之後,就借用佢嘅喺王宮嘅高達五樓嘅觀察塔計劃攻擊新加坡。2月7日嘅夜晚間,軍部搭制造出來嘅三板船嚟新加坡。同時,軍部又修補長提,運輸根要嘅材料同埋武器。

1945年日本投降之後,敦.胡鮮.安(Tun Hussein Onn)帶領嘅馬來人嘅政黨巫統(UMNO)喺蘇丹新山王宮成立。1994年,聯邦政府確認新山做城市,達督.夏鹽.亞亞(Dato Hashim Yahya)做為新山第一任市長。2003年,政府拆走咗1970年代起嘅林巴古德組屋(Lumba Kuda flats)來起海關大廈。

2006年7月30日,馬來西亞政府公布南柔佛經濟區域(Pembangunan Wilayah Ekonomi Selatan Johor)呢個計劃,發展南柔佛。馬來西亞政府就分配9億萬零吉,個計劃係大馬第九大發展計劃,同時政府又撥4.3億萬零吉嚟發展新山同埋其他南柔佛嘅地方。呢個工程嘅主要目標係喺南柔佛發展馬來西亞嘅經濟,政府希望經濟區域喺早期嘅階段,吸引多啲商業機構嚟呢度投資佢哋嘅生意。政府喺2006年4月11日正式同經濟區域命名,新名叫做伊斯干達發展直轄區(Wilayah Pembangunan Iskandar)[1][2]

經濟[編輯]

新山嘅主要大量産業地區係喺巴沙古當(Pasir Gudang)同埋丹絨浪塞(Tanjung Langsat),小同中量産業地區喺係啖杯(Tampoi)。新山有三個主要海港:巴沙古當、丹絨不嚟爸(Tanjung Pelepas)同埋柔佛港口(Johor Port)。新山每年收到16萬嚟自新加坡嘅旅客,估計提升咗新山嘅經濟60%左右。

人口[編輯]

照2006年嘅估計,新山有城市人口500,000,密度係 2,703人/平方公里(全地 6 919/sq mi)。城市人口入邊,馬來人佔45%,唐人佔41.5%,印度裔佔 4.2%[3]。新山唐人嘅祖籍大部分係潮州同埋客家,又有啲人喺近幾年由馬來西亞其他地方搬嚟新山住,呢的人多數係客家人同埋福建人。

以前潮州人佔新山嘅人口多,所以潮州話就成為新山唐人嘅主要語言,所以又叫做“小潮州”或“小汕頭”。新加坡喺1965年獨立之後,商店就慢慢變做新山唐人嘅官方語言,本來喺沙玉河(Sungei Segget)畔同埋直律街(Jalan Trus)嘅巴剎就喺1970年代搬到拉慶(Larkin)同埋大馬(Taman Sri Tebrau)嗰道,直律街嘅唐人商業就有地搬走,印度嘅商業就喺90年代一個一個搬入直律街。如今,新山嘅主要巴剎喺拉慶同大馬嗰道多數地係有客家籍,潮州籍又有壹地福建籍嘅唐人營業。

新山嘅廣府人係喺黃亞福嘅領導下嚟到新山住。喺19世紀,新山嘅唐人大多數哋係住喺沙玉河嘅河畔,有潮州人住喺壹邊,廣府人住喺另外壹邊。由馬來西亞獨立之後,廣府人佔嘅人數就少哋咗。新山嘅瓊籍(海南人)人數係喺柔佛州最大嘅。

交通[編輯]

敦.阿度惹沙街(Jalan Tun Abdul Razak)

新山城市呢道有幾條主要嘅高速公路,包括同城市連接兩方嘅巴沙古當高速公路(Pasir Gudang Highway)同連接馬來半島嘅北南快速公路(Lebuhraya Utara Selatan)嘅地不佬高速公路 (Tebrau Highway)同埋敦阿度來塞高速公路(Jalan Tun Abdul Razak)。喺巴沙古當高速公路嘅西部,佢又喺振林山(Gelang Patah)誥道同馬來西亞第二通道同新加坡嘅大士產業地區連接喺一起。同時,坐落喺城市嘅新柔長堤同新加坡嘅兀蘭新鎮接喺一起。新山城市內又有連接城市嘅一個圓環之路。

新山嘅有兩個巴士轉彎站就係喺哥打拉雅2(Kotaraya 2)同埋拉慶(Larkin)嗰道。呢兩個巴士轉彎站有新山同新加坡嘅循環運行巴士;有新加坡 SBS 嘅 170 號,馬來西亞嘅 CW1 同埋 CW2 號由新山同埋新加坡嘅梧槽(Rochor)定係克蘭芝(Kranji)徘徊嘅巴士服務號碼。

旅游地處[編輯]

鬚丹阿布.八卡嘅王宮

鬚丹阿布.八卡王宫[編輯]

鬚丹阿布.八卡王宫,又叫大王宮(Istana Besar),係喺鬚丹阿布.八卡嘅指揮下叫港主黄亞福喺19世紀嘅時候建築嘅。王宮入邊又有一個博物館同埋回教堂,位於喺敦伊士邁醫生街(Jalan Tun Dr. Ismail)。成個王宫嘅地區就構成咗呢個地方,叫做巴沙不浪宜(Pasir Pelangi)。巴沙不浪宜呢個地方就係成個州嘅主要王位。[4]

柔佛古廟[編輯]

柔佛古廟係喺19世纪起嘅,喺1870年喺港主陳旭年嘅帶領下命名嘅。古廟供奉五尊神明,包括潮幫嘅主神元天上帝外,左邊係福幫洪仙大帝,右邊係客幫感天大帝,主神兩邊有武將華光大帝同埋趙大元師,分别由廣肇幫同埋瓊帮供奉。柔佛古廟喺1995年到1996年參入大方裝修。柔佛古廟位於喺直律街(Jalan Trus)。

廣肇會館[編輯]

港主黄亞福喺1878年成立新山嘅廣肇會館。廣肇會館喺關時係嚟自廣東省嘅唐人嘅集合地方,位於喺依加嘅明里南街(Jalan Meldrum)嘅兩間雜貨店。馬來西亞獨立之後,會館嘅成員慢慢下跌,廣肇會館嘅空間就縮細咗一半。

購物廣場[編輯]

新山嘅主要購物中心有新山城中坊(Johor Bahru City Square),假日廣場(Holiday Plaza),家樂佛超霸市場(Carrefour Hypermarket),位處喺柔佛再也花園同埋彩虹花園嘅大人超霸市場(Giant Hypermarket),聯和廣場(Lien Hoe Complex),敦.阿度惹沙街廣場 (Kompleks Tun Abdul Razak),彩虹廣場(Plaza Pelangi)同埋紅扇那廣場(Plaza Angsana)。新山又有三間吉之島(JUSCO)嘅購物廣場:一就係 AEON地不佬廣場(AEON Tebrau City),二就係順利花園嘅再也吉之島(Jaya Jusco)、三係百萬鎮吉之島(Permas Jusco)。

巴沙彩虹[編輯]

巴沙彩虹(Pasir Pelangi)係柔佛州嘅皇家村,係喺1900年代喺鬚丹阿布.八卡嘅指揮下起嘅,包括壹個王宮同埋馬球俱樂部[5][6] 。今日,巴沙彩虹喺王太子嘅住所,又是 Best 104FM 錄音電臺嘅總部。其近巴沙彩虹係喺東岸嘅蘇闌錄(Stulang Laut),喺呢道有壹個免稅區域[7]

電臺[編輯]

新山嘅錄音電臺包括馬來西亞第一個私人機構嘅錄音電臺,Best 104FM。其他兩個錄音電臺政府機構嘅,Johor FM 同埋 FMJB。FMJB 錄音電臺只有住喺城市周圍嘅人收到。

住宅區[編輯]

新山有幾個界域,喺馬來西亞通常地係叫做 Mukim。呢啲界域係由佢哋個個自己唔同嘅郵區,再分成幾個住宅區,喺馬來話叫做(Taman),中文通常叫做花園。一個界域地係有最少有五個住宅區。其中喺城市理事會(MBJB)地區嘅住宅區包括:

  • 世紀花園 (Taman Abad)
  • 美樂花園 (Taman Melodies)
  • 古文茶花園 (Taman Kebun Teh)
  • 哪督翁惹化花園 (Taman Dato Onn Jaafar)
  • 美芝里花園 (Taman Majidee)
  • 彩虹花園 (Taman Pelangi)
  • 順利花園 (Taman Maju Jaya)
  • 士林花園 (Taman Serene)
  • 伊斯干達花園 (Taman Iskandar)
  • 聖淘沙花園 (Taman Sentosa)
  • 大馬花園 (Taman Sri Tebrau)
  • 大馬花園 (Taman Sri Tebrau)
  • 蘇莉雅花園 (Taman Suria)
  • 百萬鎮 (Taman Permas Jaya)
  • 胡姬花園 (Taman Anggerik)
  • 美雅花園 (Taman Mewah)
  • 斯里班蘭花園 (Taman Sri Pandan)
  • 南光園 (Taman Istimewa)
  • 百合花园 (Taman Molek)
  • 紅寶石花園 (Taman Delima)
  • 福林園 (Taman Daya)
  • 凸務山花園 (Taman Mount Austin)
  • 柔佛再也花園 (Taman Johor Jaya)
  • 開屏山莊(Taman Pelangi Indah)

酒店[編輯]

新山有幾間出名嘅酒店:

  • 凱悦酒店 (Grand Hyatt Hotel)
  • 舒适酒店 (Hotel Selesa)
  • 紐約酒店 (New York Hotel)
  • 大洲酒店 (Hotel Grand Continental)
  • 藍浪酒店 (Hotel Bluewave)
  • 康派克酒店 (Compact Hotel)
  • 珍珠酒店 (Hotel Mutiara)
  • 晶冠酒店 (Crystal Crown Hotel)
  • 美聯塔酒店 (Merlin Tower Hotel)
  • 熱帶酒店 (Tropical Inn)
  • 泛太平洋公主酒店 (The Puteri Pan Pacific Johor Bahru)
  • 伊甸園酒店 (Eden Garden Hotel)
  • 海景酒店 (Hotel Straits View)

醫院[編輯]

  • 新山中央醫院 (Johor Bahru General Hospital)
  • 公主專科醫院 (又叫慈恩醫院,Puteri Specialist Hospital)
  • 鬚丹依斯邁醫院 (Sultan Ismail Hospital)
  • 柔佛專科醫院 (Johor Specialist Hospital)
  • 甘巴醫院 (Kempas Medical Centre)
  • 百美醫院 (Kawasan Hospital Permai)
  • 新山專科醫院 (Medical Specialist Centre)
  • Hospital Sultanah Aminah

參考[編輯]

  1. 馬來西亞開布南柔佛經濟區域
  2. Jangan Sisih Projek Sedia Ada Di Johor Baharu, Kata Pemuda Umno
  3. 新山城市嘅資訊
  4. 鬚丹阿布.八卡博物館
  5. Yahoo! 巴沙彩虹
  6. 啱壹個王帝
  7. 蘇闌錄海岸

相關書目[編輯]

  • 王亞福:移民者,建築師同埋商業師P. Lim Pui Huen, Times Edition
  • 新山道路指南(1993年出版,Liang Enterprise,by Beng San Chua)
  • 南方學院學術叢書第三種 - 潮人拓殖柔佛原始資料纂編華人族群與文化研究中心(2003年4月出版,南方學院,Kolej Selatan,Skudai,鄭良樹編,由康德有限公司承印)

出面網頁[編輯]