紐西蘭
出自維基百科，自由嘅百科全書
紐西蘭，又叫做新西蘭（New Zealand，老華僑譯做鳥施崙），係一個太平洋西南部島國，或者叫毛利語「奧特亞羅瓦」（Aotearoa），即係「長白雲之鄉」。紐西蘭嘅兩個主要島嶼畀庫克海峽隔開，又同澳洲相距大約1600公里。喺佢嘅南部就係南極洲，北部就同斐濟同埋湯加兩個島國隔海相望。紐西蘭人自稱Kiwi（鷸鴕，係紐西蘭嘅一種特有鳥類，亦係紐西蘭國鳥）。
目錄 |
[編輯] 歷史
請睇：紐西蘭歷史
紐西蘭係最新成立嘅移民國家之一。波里尼西亞移民喺大約西元500年到1300年期間抵達紐西蘭，形成當地原住民毛利人。
第一批已知抵達紐西蘭嘅歐洲人係由荷蘭人亞伯·塔斯曼(Abel Janszoon Tasman)帶領嘅船隊，喺1642年航抵南北島嘅西岸。荷蘭人唔知道南北島係分開的，所以全部命名為Staaten Landt (州地)。後黎先至根據他們喺印尼巴塔維亞嘅基地改命名為Nieuw Zeeland。而嗰個巴塔維亞基地就係根據荷蘭嘅澤蘭省而命名嘅。
1769年庫克船長(James Cook)開始仔細咁研究紐西蘭，佢先後三次到訪南太平洋同埋紐西蘭，仲為紐西蘭畫咗張地圖。但係喺最初嘅地圖版本入面，佢將斯圖爾特島當成係一個半島，而將班克斯半島畫咗做一個島嶼。庫克引致咗歐洲捕鯨船喺紐西蘭海域嘅擴增，推動咗紐西蘭最終成為歐洲殖民地。
紐西蘭因為《懷唐伊條約》(Treaty of Waitangi)喺1840年成為英國嘅殖民地。懷唐伊條約有英文同毛利文版，英國皇室代表簽嘅係英文版，毛利族群簽嘅係毛利文版。毛利文版嘅懷唐伊條約答應畀紐西蘭毛利族群 "tino rangatiratanga"。 呢個詞語喺英文版嘅懷唐伊條約被翻譯成「首領位置」，但係喺毛利文就係「自治」嘅意思。由於大家嘅領會唔同，呢個詞語同埋其他嘅一啲問題至今仍然造成政府同埋毛利族群之間嘅芥蒂。譬如關於《海牀和前灘的所有權》歸屬問題。
[編輯] 地理同埋行政區劃
請睇：紐西蘭地理
紐西蘭一共被劃分為17個地區級單位，其中五個係一元權力機構（帶有星號），破折號後面係主要城市，第一個通常係嗰個地區嘅地區議會所在地。
- 北部地區 - 旺格雷
- 奧克蘭 - 奧克蘭市
- 懷卡托 - 漢密爾頓、陶波
- 豐盛灣 - 羅托路亞
- 吉斯伯恩*
- 豪克斯灣
- 塔拉納奇
- 馬努瓦圖-旺格紐伊 - 北帕
- 惠靈頓
- 馬爾堡* - 布尼蘭姆
- 尼爾遜*
- 塔斯曼*
- 西岸 - 格雷茅斯
- 坎特伯雷 -克賴斯特徹奇 (基督城)
- 奧塔哥地區 - 但尼丁
- 南部地區
- 查塔姆群島
[編輯] 政治
請睇：紐西蘭政治
紐西蘭係一個君主立憲制國家。紐西蘭女王，伊麗莎白二世為國家元首，由總督代表，總理主持政府。紐西蘭無成文憲法。
紐西蘭實行一院制議會:眾議院，通常有120席個席位。議會選舉每三年舉行一次，選舉採用混合比例制度(MMP, Mixed Member Proportional)，每個政黨按照政黨選票比例分配席位。喺2005年嘅全國大選入面，毛利黨所贏得嘅選區議席多過佢地嘅政黨選票，所以議會而家有121席。
議會入面嘅政黨主要有工黨(Labour Party)，國家黨(National Party)同埋一啲細黨。通常大嘅黨派都贏唔到半數以上嘅席位，所以一定要同細黨合作，組成聯合政府。
紐西蘭而家嘅總理係工黨喺海倫·克拉克，已經連任三屆。
紐西蘭而家有兩位亞裔國會議員，其中一位係華人。呢兩個議員分別係：
而且重有兩位亞裔市長：
[編輯] 經濟
請睇：紐西蘭經濟
紐西蘭經濟發達，屬於發達國家。紐西蘭有好高嘅生活水平，喺聯合國人類發展指數入面排第19。
喺過去嘅二十年入面，紐西蘭好成功咁由一個依靠農業為主嘅經濟轉型為具有國際競爭力嘅工業化自由市場經濟。
雖然農業只係佔總勞動力嘅10%，但係紐西蘭嘅出口產品仍然以農產品為主，例如乳製品、肉類、漁產品等等。
[編輯] 教育
請參考：紐西蘭教育
紐西蘭兒童五歲入學，法定教育一共13年：其中小學六年，初中兩年，高中五年。
紐西蘭總共有八間正式大學，按照地理位置由北至南分別係：
北島：
- 奧克蘭大學(http://www.auckland.ac.nz)
- 奧克蘭理工大學 (http://www.aut.ac.nz)
- 懷卡託大學 (http://www.waikato.ac.nz)
- 梅西大學 (http://www.massey.ac.nz)
- 惠靈頓維多利亞大學 (http://www.vuw.ac.nz)
南島:
每個地區都分別有理工學院同教育學院，重有唔同種類嘅高等教育機構。除此之外重有政府資助，喺毛利文化環境入面教育嘅高等教育機構Te Wānanga o Aotearoa[1]，意思係「長白雲之鄉學院」，喺北島每一度都有分校，總部喺漢密爾頓，但係目前只有大約一半嘅學生係毛利人。
[編輯] 人口
請參考：紐西蘭人口
紐西蘭人口太約係4,134,200 (2006年3月估計)，4,116,900 (2006年人口普查初稿)，其中奧克蘭人口佔大約三份之一，人口大部份住喺北島。
[編輯] 文化
[編輯] 旅遊
喺聯合國教科文組織嘅世界遺產目錄入面紐西蘭一共有三個世界遺產，其中東格里羅國家公園係自然文化雙重遺產，而其餘嗰兩個就係自然遺產。
- 東格里羅國家公園（nc,1990年，1993年）
- 紐西蘭西南部嘅「綠玉之地」(毛利文：Te Wahipounamu) - 呢度包括咗「西地國家公園」、「庫克山國家公園」、「愛詩勃林山國家公園」、「弗儸德蘭國家公園」同埋米爾福德峽灣（n,1990年）
- 紐西蘭嘅次南極群島（n,1998年）
[編輯] 其他旅遊景點
[編輯] 生態
請睇：紐西蘭鳥類
紐西蘭喺世界動物地理分區上屬於澳大拉西亞區。由於同澳洲大陸一樣喺早期就同其他大陸分離，因此產有好多特有種(67種)。現時記低約有340種鳥類。
除咗三種蝙蝠(現存兩種)外，紐西蘭再無任何原生哺乳動物，因此紐西蘭嘅鳥類極端特化，並佔據咗生態系統嘅所有位置；例如恐鳥扮演咗鹿或牛嘅角色，哈斯特鷹(或者叫紐西蘭鷹，有史以來最大的猛禽)就扮演咗豹或老虎嘅角色。
當人類喺800年到1300年到達紐西蘭後，依啲獨特嘅生態系統開始瀕臨危機。幾個鳥類品種被人捕獵至絕種；然而，大部份嘅破壞其實係由人類帶來嘅其他哺乳動物所造成，尤其係老鼠，另外仲有狗、貓、鼬鼠、刺蝟同澳洲袋貂等，無法飛行嘅鳥類(例如奇異鳥)特別咁面臨絕種嘅危機。
大約三分之二嘅鳥類絕種係由毛利人到來之後發生，其他嘅則發生喺白人到嚟之後。
[編輯] 其他
- 紐西蘭銀行營業時間係：朝早8:30 - 晏晝4:30。（個別銀行可能會有啲唔同）
- 工作時間係星期一至星期五嘅朝早9點到到晏晝5點。
- 紐西蘭貨幣為紐西蘭元。硬幣有5仙、10仙、20仙、50仙、1蚊、2蚊。銀行已經唔再發行5分硬幣，重將10仙、20仙同50仙嘅硬幣尺寸改細。鈔票有5蚊、10蚊、20蚊、50蚊、100蚊。多數主要嘅信用卡都被廣泛接納。紐西蘭對所有商品同埋服務徵收12.5%嘅消費稅。
- 紐西蘭嘅電源用250伏特、50赫茲嘅交流電，3眼Y型插座 (外型同中國大陸同埋澳洲嘅插頭相同，只係電壓唔同，但係一般電器都可以通用）。
- 紐西蘭嘅電話系統同英國一樣，採用BT 600接口而唔係RJ-11接口。電話線駁喺BT 600接口嘅第2同第5條線上，或者喺RJ-11接口嘅第3同第4條線上。大多數紐西蘭電話系統都支援DTMF音頻撥號。
- 請注意：紐西蘭嘅脈衝撥號係同世界上大多數國家相反嘅。
[編輯] 外部鏈結
| 亞洲太平洋經濟合作組織（APEC） |  |
|---|---|
| 澳大利亞 • 汶萊 • 加拿大 • 智利 • 中華人民共和國 • 中國香港 • 印度尼西亞 • 日本 • 大韓民國 • 馬來西亞 • 墨西哥 • 紐西蘭 • 巴布亞新畿內亞 • 秘魯 • 菲律賓 • 俄羅斯 • 新加坡 • 中華台北 • 泰國 • 亞美利堅合眾國 • 越南 |
