新都會廣場

出自維基百科,自由嘅百科全書
跳去: 定向搵嘢
遠眺新都會廣場
新都會廣場入口,向興寧路葵芳站

新都會廣場(Metroplaza)係香港商場寫字樓,喺新界葵芳。商場歸入大型商場一類。新都會廣場喺港鐵葵芳站對面,葵青劇院側邊。兩幢寫字樓,六字樓或者七字樓起計,高卅五到卅六層。而商場就有五層高,面積五十四萬平方呎。新都會廣場由新鴻基地產起兼打理,喺一九九三年正式開張。新都會廣場寫字樓,比周圍嘅樓高好多,夜晚燈光招牌,遠遠都睇到。

[編輯]

九十年代[編輯]

新都會廣場嘅寫字樓部分,喺一九九零年建成,商場部分要到一九九三年一月先落成。當其時商場,最大租戶係新加坡百貨公司英保良,進駐場內三、四樓,設有超級市場。商場一樓中庭,做過展覽同表演場地,叫薈展台The Expo)。到咗後期,先至改為大快活快餐店,取代咗肯德基家鄉雞鋪位。一樓有動感影院「無限地帶」。商場五樓,有酒樓聚豪閣,佢前身係潮鴻城中式酒樓,對出嘅中庭,分別為農場餐廳同意粉屋,已結業多時。商場六樓唯一舖位美心皇宮,前身為新都閣酒樓。

一九九五年年中,「無限地帶」結業,原址併入百老匯戲院,開多兩個迷你戲院,葵芳百老匯自始有五個迷你戲院。

一九九七年,亞洲金融風暴後,英保良破產,新都會廣場分店執笠,舖位由「豪邁家品商場」接手,超市由廣南(KK)超市經營。二零零零底,新都會廣場管理處,收返兩鋪位,翻新商場,之後由和黄旗下百佳超級市場經營,近年改裝為Taste經營至今。

千禧年代[編輯]

二零零二年,商場大翻新,除咗商場內部翻新之外,商場中央露天廣場,亦有翻新,加了兒童遊樂場。二零零六年五月廿四號,葵芳站地站加咗E出口,駁出新都會廣場嘅行人天橋,人流新都會廣場亦有多。此外,同年六樓辦公大樓,業戶會所「帝豪會」關閉兼且改建,加咗扶手電梯兩部,駁通五六樓。而六樓改建工程,喺於二零零六年九月完成,新加年青會所Yo Park、大眾書局Living Yoga。二零零八年初,Yo Park執,拆細做幾間美容中心及髮廊,改名「凝美空間」。一樓嘅大快活,搬咗去肯德基家鄉雞鋪位,繼續營業,而肯德基家鄉雞因租約期滿,不獲續租。於二零零八年七月中,轉咗英王旗下嘅英王餐廳及雪國拉麵店。二零零八年十月,商場三樓,之前Double Star食肆間餔,改為「聚美長廊」,引入九個彩妝護膚品牌開放式專櫃,採用獨立銷售運作模式經營。

行人天橋[編輯]

交通[編輯]

停車場[編輯]

新都會廣場有停車場,廿四小時開放,服務人客同租戶,有購物可免費泊車。

附近地點[編輯]

出面網頁[編輯]