方言片係一個語言學術語，代表一種語言嘅層次，即係語言最大係民族共同語，之後再變出方言，方言再變出「片」。
以中文為例，中文或者漢語最大，中文之下再發展出七大方言，即係吳、湘、贛、客、粵、閩加官話，七大方言之下，就係片，例如閩語之下，有閩台片、浙南片、潮汕片等等，粵語之下有粵海片、四邑片等等。
