旁遮普

出自維基百科,自由嘅百科全書
跳去: 定向搵嘢

旁遮普(Punjab)係橫越印度共和國巴基斯坦伊斯蘭共和國嘅一大笪地方,有好長嘅歷史同文化,主要民族係旁遮普人,主要講旁遮普語,信錫克教印度教巴基斯坦旁遮普省有啲人信伊斯蘭教

古代旁遮普地區(大旁遮普地區)好大,包括印度北面、巴基斯坦東面同阿富汗嘅一啲地方。最東去到亞穆納河(Yamuna)。旁遮普人喺古代又叫做阿臘塔人(Arattas)或者瓦西卡人(Vahikas),呢啲叫法糅合咗健馱邏人卡斯人(Khasas)、保拉瓦人(Pauravas)、伊朗人堪波佳斯人(Kambojas)、波羅婆人(Pahlava)、波斯化愛奧尼亞人(Ionians)等各民族影響嘅因素。

旁遮普地區嘅係雅利安人,歷史各時期由唔同嘅民族統治,包括古希臘人波斯人阿拉伯人突厥人莫臥兒人阿富汗人錫克人英國人。喺歷史上,喺印度次大陸西北面嘅旁遮普地區用亞穆納河同埋印度河做邊界,就係公元前15世紀之後早期雅里安人定居以嚟嘅印度河谷史前文明嘅中心地帶。8世紀開始,跟住莫臥兒人嘅統治,伊斯蘭教攞到主導地位,旁遮普地區做咗印度次大陸嘅文化中心。之後因為錫克人成日反叛,加速英國人對呢個地區嘅征服,最終喺印巴分治而分裂成巴基斯坦嘅「旁遮普省」同印度嘅「旁遮普地區」兩大地區。

巴基斯坦旁遮普省佔旁遮普地區嘅主要部分,面積205,344平方公里,有86,084,000人(2005年),大約90%嘅人講旁遮普語西旁遮普語波斯-阿拉伯字母寫。

印度旁遮普地區,包括旁遮普邦哈里亞納邦喜馬偕爾邦同埋德里中央直轄區;旁遮普邦面積50,362平方公里,有24,289,296人(2000年),大約92.2%嘅人講旁遮普語東旁遮普語果魯穆奇字母寫。