日本赤軍

日本赤軍係日本一極左派武裝恐怖組織，主張推翻日本皇室同埋日本政府，同埋喺全世界推動革命。曾經畀美國國務院認定為國際恐怖組織之一。

簡史

日本赤軍喺1969年從日本共產主義者同盟分離出唻，1971年由重信房子同埋丸岡修喺巴勒斯坦正式宣告成立，1974年定名為「日本赤軍」。

2000年11月，日本赤軍「最高指導者」重信房子喺大阪府高槻市落網。2001年4月，重信房子喺監入面寫咗《日本赤軍解散宣言》（日文：日本赤軍としての解散宣言），宣告日本赤軍解散。