明日之後

出自維基百科,自由嘅百科全書
跳去: 定向搵嘢

明日之後英文The Day After Tomorrow),係2004年一部災難片,亦係一部科幻片,響2004年5月17號首映。部片講述全球變暖引起一連串災難。差唔多成套片喺加拿大滿地可拍,裏面用咗好多電腦特技

部片嘅導演係羅倫艾默烈治(Roland Emmerich),主演有丹尼斯葛特(Dennis Quaid),積克格寧賀(Jake Gyllenhaal),伊仁賀(Ian Holm),艾美洛森(Emmy Rossum),茜拉華特(Sela Ward)。

呢部片係全球三十八大最收得電影之一,票房有成 542,771,772 美金

故仔[編輯]

某一日,氣象學家積可(Jack Hall)收到驚人噩聞,人類好快大禍臨頭。因為全球溫室效應所致,一場滅絕人寰、足以令地球消失嘅自然災害已經迫在眉睫。積可親眼睇到一嚿好似羅德島咁大嘅冰,響南極冰層甩落來,地球氣候突然反常:好似提子咁大嘅雹炸日本東京、超級颶風夏威夷、大風雪冚印度新德里、唔正常嘅龍捲風剷平洛杉磯。呢啲天然災害,搞到死傷枕藉,損失慘重。而且蘇格蘭起,大西洋有個超級大颶風。積可見情勢危急,馬上通知美國白宮政府。同時間佢又發現本來好熱嘅紐約市,一日之內變冰天雪地,最難過係知道自己十七歲個仔森可(Sam Hall)因為出席學界比賽被困。為咗救個仔、救地球,積可就冒險救個仔。最後好多人死,佢自己就倖免於難。