明珠台

出自維基百科,自由嘅百科全書
跳去: 定向搵嘢

明珠台(英文:Pearl)係無綫電視嘅英文電視頻道,部分節目以普通話日本話或者韓文作麗音廣播。主要對手係國際台

無綫電視喺1967年11月19號成立,係香港第一個商營無綫電視台,提供免費電視廣播服務。於2007年上半年,黃金時段內(下午7時至午夜),明珠台嘅英文電視頻道平均收視約佔百份之七十,係全港收視率最高嘅英文電視頻道。

1991年,明珠台開始採用麗音廣播服務,提供多語言聲音廣播,觀眾可自行選擇廣播語言(而喺2007年12月31號啟播嘅數碼版本,就採用多重AC-3位流提供多種語言廣播)。基本上,明珠台喺部份節目提供廣東話同埋英文作廣播(主要喺連續劇及電影,紀錄片等其他類型節目比較少)。而中文字幕喺下晝6點20分後,於大部份節目提供。

節目[編輯]

明珠台絕大多數晚間節目都有以NICAM(麗音)技術(模擬版本)或者係多重AC-3位流(數碼版本),作多種語言廣播。尤其係晚間播出嘅部分綜合節目同埋電視劇、電影等等,都有英粵、日粵雙聲道。佢嘅英文劇收視係全港最高。

電影[編輯]

從前,明珠台播放電影嘅時段係最受歡迎嘅節目。根據AC尼爾森2001年嘅調查中,「明珠930」(現稱「周末大電影」)係全香港觀眾最鍾意嘅電視節目。節日期間會播出唔同主題嘅電影。例如喺情人節前一星期,播出愛情主題電影;而萬聖節期間,會播出以恐怖為主題嘅電影。現時「周末大電影」逢星期五六日晚9:30播出。

電視劇[編輯]

明珠台亦重點播英語戲劇節目,間中亦會播放韓劇日劇台劇。一些曾經喺明珠台播放嘅外購節目,亦被香港嘅電視台用類似嘅題材製作成香港版本。

新聞時事節目[編輯]

綜合資訊節目[編輯]

明珠台其他節目包括紀錄片、資訊節目、音樂節目,戲劇節目及娛樂節目等。

體育節目[編輯]

轉播教育電視節目[編輯]

由於香港政府並無自行運作嘅電視台,政府規定兩間免費電視台一定要播放香港電台嘅節目,其中教育電視早喺1971年開始播,根據香港嘅教育制度,將中文、英文、數學、常識、普通話等教育節目,畀中小學學生睇。而教育電視節目就喺每年嘅32個星期播映期間,被安排喺香港兩間免費電視台嘅非主流頻道——無綫電視明珠台同亞洲電視國際台播出。播放模式係:上晝8點至中午12點由其中一間電視台(舉例:無綫明珠台)播出,中午12點至4點就由另一間電視台(依上例子就係亞視國際台)播出。下一學年兩間電視台嘅播放時段互換。而由2006年9月18號開始,教育電視播放時間縮短為兩個鐘,上晝時段由上晝10點至中午12點,而下晝時段就係由下晝2點至4點。

轉播香港電台電視節目[編輯]

台徽[編輯]

明珠台啟播時,台徽最初同翡翠台標誌一樣,後尾開始獨立用自己嘅台徽。台徽大致同翡翠台標誌相似,只不過將白框改成圓形,再形成「P」的形狀,代表Pearl的字頭「P」字。1989年11月,無綫進行大改革,並將台徽統一,明珠台P形台徽就無咗。統一後,為避免同翡翠台標誌撈亂,無幾耐再喺台徽底下加上「Pearl」嘅英文字樣。